Doris Kenyon
Doris Kenyon | |
|---|---|
 | |
| Vida | |
| Nacimientu | Syracuse, 5 de setiembre de 1897[1] |
| Nacionalidá |
 Estaos Xuníos |
| Llingua materna | inglés |
| Muerte | Beverly Hills, 1 de setiembre de 1979[1] (81 años) |
| Sepultura | Forest Lawn Memorial Park |
| Causa de la muerte | insuficiencia cardiaca |
| Familia | |
| Casada con |
Milton Sills (1926 – 1930) Albert Lasker (1938 – 1939) |
| Estudios | |
| Estudios | Universidá de Columbia |
| Llingües falaes | inglés |
| Oficiu | actriz, cantante, actriz de televisión, actriz de cine |
| Instrumentu musical | voz |
| IMDb | nm0448987 |
 | |
Doris Kenyon (5 de setiembre de 1897, Syracuse – 1 de setiembre de 1979, Beverly Hills) foi una actriz cinematográfica y televisiva d'Estaos Xuníos.
Entamos[editar | editar la fonte]
Nacida y criada en Syracuse (Nueva York), el so padre yera'l Dr. James B. Kenyon, un ministru de la Ilesia Metodista Episcopal. Kenyon estudió nel Packer College Institute y darréu na Universidá de Columbia.
Amás cantaba nos coros de les ilesies presbiteriana Grace y metodista Bushwick de Brooklyn. La so voz llamó l'atención de los cazatalentos teatrales de Broadway, que la convencieron p'actuar nel teatru. La so primer actuación tuvo llugar na opereta de Victor Herbert The Princess Pat.
Carrera cinematográfica[editar | editar la fonte]
En 1915 fixo'l so primer filme, The Rack, pa la World Film Company de Fort Lee, Nueva Jersey. Una de les películes más recordaes de la so carrera inicial foi Monsieur Beaucaire (1924), na que trabayó xunto a Rodolfo Valentino.
En 1928 actuó na primer película de Paramount Pictures totalmente falada, Interference.
Kenyon actuó col actor George Arliss en dos filmes, Alexander Hamilton (1931) y Voltaire (1933). Amás, en 1933 intervieno en Counsellor at Law, con John Barrymore.
Amás de la so actividá cinematográfica, na seronda de 1935 Kenyon interpretó xunto a Ramón Novarro la obra teatral A Royal Miscarriage, representada en Londres, Inglaterra.
Tres sesenta películes, la carrera cinematográfica de Kenyon remató en 1939 faciendo un cameo en The Man in the Iron Mask.
Televisión[editar | editar la fonte]
Kenyon prosiguió la so carrera como actriz trabayando en televisión na década de 1950, interviniendo n'episodios de The Secret Storm (1954), Schlitz Playhouse of Stars, All Our Yesterdays (1958), y 77 Sunset Strip.
Amás d'estes actividaes, al dexar el cine tamién volvió cantar, una ocupación que yá siguiera na so mocedá. Finalmente dexó'l mundu del espectáculu, diendo vivir semi-retirada en Beverly Hills, California.
Vida personal[editar | editar la fonte]
Kenyon casóse delles vegaes. El so primer home foi l'actor Milton Sills, col que se casó en 1926, y del qu'enviudó en 1930. Tuvieron un fíu llamáu Kenyon. Dempués, en 1933, casóse con un ricu axente inmobiliariu, Arthur Hopkins, del cual divorcióse al añu siguiente alegando incompatibilidá. En 1938 Kenyon de casó con Albert D. Lasker, propietariu de Lord & Thomas, una próspera axencia de publicidá, y del cual divorcióse en 1939. El so últimu home foi Bronislaw Mlynarski, fíu d'un compositor polacu y cuñáu d'Arthur Rubinstein.
Doris Kenyon finó en 1979 en Beverly Hills por causa de un paru cardiaco, cuatro díes enantes de cumplir los 82 años. Foi soterrada nel Campusantu Forest Lawn Memorial Park de Glendale (California).
Referencies[editar | editar la fonte]
- ↑ 1,0 1,1 Biblioteca Nacional de Francia. «autoridaes BNF» (francés). Consultáu'l 10 ochobre 2015.
- Doris Kenyon Sills Dies, Known On and Off Screen. Los Angeles Times. 10 de setiembre de 1979.
- Doris Kenyon and Hopkins To Be Married. Syracuse Herald. 15 d'abril de 1933.
- Will Play In England. Syracuse Herald. 27 de xunu de 1935.
Enllaces esternos[editar | editar la fonte]
Wikimedia Commons acueye conteníu multimedia sobre Doris Kenyon 
.
- Doris Kenyon na Internet Movie Database (n'inglés)
- Doris Kenyon na Internet Broadway Database (n'inglés)
Datos: Q276419- Multimedia: Doris Kenyon