Domingo Pérez de Barcia

Domingo Pérez de Barcia
Vida
Nacimientu	Vilarmarzo, 1649
Nacionalidá	España
Muerte	Méxicu, 3 de payares de 1713 (63/64 años)
Estudios
Llingües falaes	castellanu
Oficiu	escritor
Creencies
Orde relixosa	Congregación del Oratorio de San Felipe Neri (es)

Domingo Pérez de Barcia (1649, Vilarmarzo – 3 de payares de 1713, Méxicu) foi un relixosu y escritor asturianu, fíu de Domingo Pérez de Barcia, rexidor en Pezós, y Catalina Álvarez de Monteserín.

Siendo neñu so padre y so madre enviáronlu a Cádiz, onde pasó seis años. A los dieciséis años coló pa les Indies y entró de colexal de San Xuan de la Puebla, onde estudió Gramática y Filosofía. Más sero, l'obispu Diego Osorio de Escobar ordénalu de menores y a los venticinco años gradúase en Filosofía na Universidá de Méxicu, onde tamién estudió Lleis.

En 1680 foi ordenáu presbíteru. El 25 d'abril de 1683 fundó'l Recoyimientu Voluntariu de Muyeres de San Miguel de Bethelem, na ciudá de Méxicu.

Perteneció a la Congregación del Oratoriu de San Felipe Neri (Congregatio Oratorii Sancti Philippi Nerii) y algamó cierta sonadía como prosista y poeta.

El P. Julián Gutiérrez de Dávila, de la Congregación San Felipe Neri, asoleyó en Méxicu, la Vida de Domingo Pérez de Barcia, na que destaca les sos virtúes piadoses y recueye una seleición del so llabor lliterariu.

Referencies

Enllaces esternos

P. Julián Gutiérrez de Dávila, Vida y virtudes del siervo de Dios, el venerable padre D. Domingo Pérez de Barcia presbytero secular, fundador de la casa y voluntario recogimiento, nombrado San Miguel de Bethelem, en la ciudad de Mexico