Dispersión urbana (sprawl)

De Uiquipedia
Saltar a: navegación, buscar

Llámase dispersión urbana, dispersión suburbana o urbanización por derrame (traducción del términu inglés urban sprawl, que ye usáu bien de veces pa denomar esti fenómenu notres llingües) al espardimientu d'una ciudá y los sos barrios peles tierres rurales de la so rodiada. Los habitantes de los barrios creaos asina suelen vivir en cases unifamiliares y dir al trabayu en coche.

Paisaxe típicu d'una zona residencial suburbana

Característiques[editar | editar la fonte]

La dispersión urbana defínese por varios patrones d'usu del suelu que suelen aparecen al tiempu.

Zonificación única del suelu[editar | editar la fonte]

Les zones comerciales, residenciales y industriales tán separtaes la una de la otra. Poro, grandes estensiones de terrén dedíquense a un usu únicu y tán dixebraes de les otres por espacios abiertos o infraestructures (carreteres, pontes...). A resultes d'ello, los sitios nos que la xente vive, trabaya y fai la compra y se divierte tán alloñaos y nun puede dise d'ún a otru caminando, lo que fai cuasi obligatoriu dir en coche.

Zona de sprawl en Colorado Springs (Estaos Xuníos)

Ocupación del suelu con baxa densidá d'usu[editar | editar la fonte]

La baxa densidá d'edificación fai qu'esti modelu consuma muncha más tierra que los otros tipos tradicionales d'urbanización. Magar qu'el términu ye poco precisu, suelen ser zones con viviendes individuales, arrodiaes de xardines. Hai tamién, nes zones comerciales o industriales, grandes aparcamientos. Toles estructures arquitectóniques, d'otra banda, tán arrodiaes de grandes zones verdes, ensin usu urbanísticu; eso débese a qu'el promotor suele tar obligáu a ello cuando l'alministración pública correspondiente-y concede'l permisu pa desarrollar una urbanización d'esti tipu.

Dependencia del automóvil[editar | editar la fonte]

Les árees de dispersión urbana defínense tamién por ser espacios nos que la población ye perdependiente del coche como mediu de tresporte. Les distancies fain que caminar nun seya prácticu, y asina la mayoría d'estes zones malpenes tienen ceres.

Estructures urbanístiques típiques[editar | editar la fonte]

Urbanizaciones[editar | editar la fonte]

Les urbanizaciones son estensiones pergrandes de tierra formaes por viviendes individuales. Tolos edificios tienen esti usu, polo que ye incorreutu llamalos aldees, pueblos o barrios como fain los sos desarrolladores, una y bones esos términos falen de sitios nos que hai otros usos del suelu aparte del residencial.

El so trazáu urbanu suel ser perdiferente al de la ciudá tradicional. Abunden les calles curves y ensin salida. Esi diseñu busca amenorgar al másimu el pasu de coches pol barriu; les cais úsenles namái los que viven nelles. Toes eses cais axúntense nunes cuantes víes que dan accesu a la urbanización y permiten salir d'ella, provocando atascos a determinaes hores.

Centros comerciales[editar | editar la fonte]

Los centros comerciales (nomaos tamién malls, shopping centers, hipermercaos, parques comerciales...) son edificios o conxuntos d'ellos nos que s'axunten los llocales comerciales. Ideaos como centros de compra y diversión pa los habitantes de les urbanizaciones de la so rodiada, l'accesu a ellos tien de facese en coche; poro, colóquense a la vera les principales carreteres o autopistes de la zona, y tienen xigantescos espacios d'aparcamientu. Esos centros, amás de a la xente les urbanizaciones, atraen tamién a los habitantes de les ciudaes cercanes, provocando con ello un perxuiciu a les sos zones comerciales. Pa responder a esti problema los gobiernos de dellos países europeos (Francia, Bélxica, Alemaña...) tienen llexislao sobro'l tamañu d'estos centros y ponen restricciones a la so construcción.

Vista cenital d'un centru comercial suburbanu en Manchester (Reinu Xuníu)

Establecimientos de comida rápida[editar | editar la fonte]

Esti tipu d'establecimientu ye percomún nes zones suburbanes. Bien de veces constrúinse a la vera del llugar ú ta previsto desarrollar una gran urbanización, condicionando'l so desarrollu futuru. L'autor Eric Schlosser, nel so llibru Fast Food Nation, defende que les cadenes de comida rápida aceleren la espansión suburbana.