Direutor de producción

De Wikipedia
(Redirixío dende Director de producción)
04-01-2019 09:07

El direutor de producción ye una figura amestada a la producción audiovisual, y tien la responsabilidá organizativa. Ye un espertu n'organización y loxística del rodaxe, y baxo les órdenes del productor executivu, tien de tresnar un plan de producción aparente y el so correspondiente presupuestu, magar que de normal trabaya con un borrador del plan y presupuestu que fai'l Productor executivu, qu'al empar asume la realización de les contrataciones más importantes.[1]

Tamién fai'l desglose, de mou que la película ródase de la forma más económica posible, efectúa les xestiones necesaries pa l'agospiamientu y la comida cuando se rueden esteriores, y supervisa la rellación ente la producción, provisores y operarios que nun formen parte del equipu de producción.

Ye'l responsable de la organización del trabayu, de la escoyeta de parte del personal, de xestionar los permisos pertinentes de les distintes autoridaes y propietarios pal rodaxe en llocalizaciones fora de los estudios, de supervisar la compra de bienes y contautar colos provisores. Remana tamién el funcionamientu diariu de la oficina de producción, coordinando'l trabayu de los distintos profesionales qu'intervienen que se cumplan los plazos previstos y la película nun salga del presupuestu.

Referencies[editar | editar la fonte]

  1. (2003) Diccionario de arte.. RBA. ISBN 8483323907. Consultáu'l 10 de setiembre de 2018.