Diploma d'estudios en llingua francesa

El Diploma d'estudios en llingua francesa o DELF (Diplôme d'études en langue française) ye un certificáu qu'expede'l Ministeriu d'Educación Nacional de Francia y qu'acredita el nivel na llingua francesa de candidatos estranxeros de países non francófonos.

Ta compuestu por 4 diplomes independientes correspondientes a los 4 primeros niveles del Marcu Común Européu de Referencia pa les llingües: DELF A1, DELF A2, DELF B1 y DELF B2.

Los otros 2 diplomes de nivel avanzáu que completen los 6 niveles de conocencia d'esti idioma son certificaos al traviés del Diploma avanzáu de llingua francesa o DALF (Diplôme approfondi de langue française): DALF C1 y DALF C2.

Los centros de francés

Tolos centros d'enseñanza del francés en Francia tán llistaos nel Gran Direutoriu publicáu en llinia pola Axencia de Promoción del francés llingua estranxera na siguiente web: http://www.fle.fr

Exámenes

DELF A1

Nesti nivel lo que se busca ye evaluar les competencies iniciales del alumnu. Ye un nivel que-y lo denomina "de descubrimientu", yá que ye'l más elemental.

DELF A2

Siguiendo la perspeutiva del A1, esti otru nivel afonda un pocu más les conocencies elementales del estudiante. Tantu nesta instancia como na anterior l'estudiante ye capaz de realizar xeres sencielles de la vida cotidiana.

DELF B1

El cambéu del A2 al B1 ye un verdaderu saltu. Agora, l'alumnu yá ye muncho más independiente: puede empecipiar y caltener un discutiniu y escribir correutamente, esto ye, utilizando les fórmules apropiaes. Puede, per otra parte, desendolcase con más soltura nuna situación inesperada de la vida cotidiana.

DELF B2

Ye l'últimu exame nel marcu de los DELFs. L'estudiante tien una independencia enforma mayor, que-y dexa argumentar, sostener una idea o desenvolver un planteamientu. L'alumnu tamién ye capaz de correxir los sos propios errores.

Enllaces esternos

• DELF-DALF: Centru Internacional d'Estudios Pedagóxicos

• Datos: Q1053654