Diplodus vulgaris (tena)

De Wikipedia
Saltar a navegación Saltar a la gueta

La tena (Diplodus vulgaris) ye una especie de pexe perciforme de la familia Sparidae.[1][2]

Descripción[editar | editar la fonte]

Mide hasta 45 cm y puede identificase por tener un cuerpu ovaláu, bien apandáu poles bandes, cola cabeza un pocu en punta, acabada nuna boca grande. Tien un color plateáu con una franxa negra detrás de la cabeza y otra na base de la cola. A cada llau apaecen unes bandes llonxitudinales, fines y de color doráu, que van resiguiendo les fileres d'escames, de les qu'hai quince o dieciséis. Sobre los güeyos atopamos un llurdiu acoloratáu.

Distribución y hábitat[editar | editar la fonte]

Ye una especie propia del Atlánticu nororiental, dende Senegal hasta'l golfu de Vizcaya, y nel mar Mediterraneu.[3] Atopase ente 2 y 20 m de fondura, en fondos predresos con algues abondoses y entrepolaos de sableres.[3]

Comportamientu[editar | editar la fonte]

Reproduzse de setiembre a payares y, a lo llargo de la so vida, presenta los dos sexos, primeru machu y dempués fema, como tolos miembros de la familia.

La so alimentación componse principalmente de xagorres y pequeños crustáceos.[3]

Rellación col home[editar | editar la fonte]

Nun tien valir comercial y nun s'aprecia la so carne.

Referencies[editar | editar la fonte]

  1. Russell, B., Buxton, C.D., Pollard, D. y Carpenter, K.E. (2014).
  2. Sistema Integráu d'Información Taxonómica. «Diplodus vulgaris (TSN 182919)» (inglés).
  3. 3,0 3,1 3,2 Terofal, F. y Militz, C. (2005).

Bibliografía[editar | editar la fonte]

  • El léxico de la fauna marina en los puertos pesqueros de Asturias Central, Emilio Barriuso, Uviéu 1986. IDEA.

Enllaces esternos[editar | editar la fonte]