Dietario de la Generalidad

Dietario de la Generalidad
diariu oficial
Datos

Dietarios enllibraos nel Archivu Comarcal del Vallés Occidental.

El dietario de la Generalidad, o dietariu de la Deputación del Xeneral, ye una compilación y rexistru diariu de los acontecimientos militares, políticos y relixosos del Principáu de Cataluña. Esta práutica alministrativa diaria realizóse dende 1411 hasta 1714 ensin interrupciones destacaes.

Les anotaciones van arrexuntaes por trienios qu'empiecen el primeru d'agostu y acaben el 31 de xunetu. Caltiénense 109 volúmenes manuscritos dende 1411 a 1711. L'últimu volume hasta 1714 foi destruyíu na dómina borbónica. L'autor encargáu yera l'escribán mayor de la Deputación del Xeneral. En delles ocasiones, los autores añadíen al testu observaciones al marxe, dibuxos alusivos a los fechos más destacaos y documentos cosíos al dietario (memoriales, cartes, etc.). Los años 1454 a 1472 con Jaume Safont como escribán son los más ricos n'informaciones y anotaciones.

Una esbiella de testos foi editada en 1889 por Josep Coroleu y Inglada. L'Institutu d'Estudios Catalanes (IEC) entamó una edición crítica comentada, pero foi destruyida en 1939. La Xeneralidá de Cataluña empecipió, en 1994, la edición completa y, en xunu de 2007, acabaronse de publicar los diez volúmenes previstos dende 1411 a 1714. En setiembre de 2010, la Xeneralidá de Cataluña punxo'l testu completo y editao en llinia, a disposición de los estudiosos y de toles persones comenencioses nestos documentos de forma gratuita, al traviés de la web del Diariu Oficial de la Xeneralidá de Cataluña. Son más de quince mil páxines enllenes d'información, nomes, sucesos, etc.

Empieza'l 1 d'ochobre de 1411 con estes anuncies, en catalán antiguu:

Dijous, primer dia d'octobre, any sobredit, en Barchinona, vench lo vescomte d'Illa. Partí micer Guillem de Vallsecha per anar a Tortosa. Dissapta, a III d'octobre, en Barchinona, partí an Pere Artaguil, conestable de XL servents, per anar al setge del castell de Palau Çaverdera, e en Gem Torres, conestable de XL servents.

Dietari, 1411, pàg. 1

El 17 d'abril de 1456, Jaume Safonts anota sobre la fiesta de Sant Jordi (trescritu en catalán modernu):

El dissabte dia 17 fou feta crida pública per la ciutat de Barcelona que la festa de Sant Jordi (23 d'abril) fos celebrada per tothom, ja que la Cort General del Principat de Catalunya, que ara celebra reunió al claustre de la catedral de la ciutat, ho ha decretat així.

Jaume Safont

Ediciones

• Coroleu, Josep (1889). Los dietarios de la generalidad de Cataluña. Coroleu, Josep (1889). Los dietarios de la generalidad de Cataluña. Tip. de La Vanguardia, páx. 336.
• Jacme, Ça Font (1950). Marina Mitjà (editriu), ed. Jacme, Ça Font (1950). Marina Mitjà (editriu): Dietari de la Diputació del General de Catalunya, 1454-1472. Associació de Bibliòfils de Barcelona.
• Udina Martorell, Federico (redacció) (1974). Dietari de la Deputació del Xeneral de Cathalunya, núm. 46 (1411-1458) i núm. 49 (1458-1512). Udina Martorell, Federico (redacció) (1974). Dietari de la Deputació del General de Cathalunya, núm. 46 (1411-1458) i núm. 49 (1458-1512). Diputació Provincial de Barcelona.
• Sans i Travé, Josep Maria (direcció) (1994-2007). Dietaris de la Generalitat de Catalunya (Edición descargable en llinia). Sans i Travé, Josep Maria (direcció) (1994-2007). Dietaris de la Generalitat de Catalunya, Edición descargable en línea, Generalitat de Catalunya, Departament de la Presidència. ISBN 84-393-3150-9.Sans i Travé, Josep Maria (direcció) (1994-2007). Dietaris de la Generalitat de Catalunya, Edición descargable en línea, Generalitat de Catalunya, Departament de la Presidència. ISBN 84-393-3150-9.

Referencies

• Datos: Q11917174