Diego Cervero Otero

De Wikipedia
Saltar a navegación Saltar a la gueta
Diego Cervero Otero
Diego Cervero Otero.jpg
Vida
Nacimientu

Uviéu13 d'agostu de 1983

(34 años)
Nacionalidá Flag of Asturias.svg Asturies
Estudios
Llingües castellán
Oficiu
Oficiu futbolista
Trayeutoria
Años Equipu Competiciones
2012- Real Uviéu
2009-2012 Unión Deportiva Logroñés 108
2007-2009 Real Uviéu 76
2006-2007 Club Deportivo Lealtad 22
2006-2006 Unión Deportiva Marbella 6
2003-2006 Real Uviéu 92
2001-2003 Real Uviéu Vetusta 52
Posición o especialidá delanteru
Altura 186 centímetru
Cambiar los datos en Wikidata

Diego Cervero (13 d'agostu de 1983Uviéu) ye un futbolista asturianu que xuega na posición de delanteru centru nel CD Mirandés na Segunda División B Española.

Trayectoria[editar | editar la fonte]

Ye'l mayor de los ídolos del uvieísmu de los postreros 14 años. Nel añu 2012 torna al Real Uviéu procedente de la Unión Deportiva Logroñés, equipu nel que xugó les postreres 3 campañes.

La so llegada al primer equipu de la entidá oviedista foi nel branu de 2013, coincidiendo colos tiempos de la so cayida a la Tercera división española, ensin xugadores y al cantu de la desapaición. Hasta esi momentu Diego Cervero formaba parte de la plantiya del Real Uviéu “B”, onde xugó con apenes 19 años una fase d'ascensu a Segunda división B.

Debutó en partíu oficial col Real Uviéu el 7 setiembre de 2013, a les ordes d'Antonio Rivas y frente al Pumarín, acabando'l partíu con empate a 0-0. Na temporada 2003/2004 xuega 29 partíos de la Lliga (Tercera división), 16 d'ellos como titular, anotando 10 tantos. Destacó especialmente'l so estrenu goliador en La Pola L.lena frente al Lenense, anotando los 4 tantos del equipu azul. Al acabar la temporada, l'esperáu ascensu del equipu quedó atayáu tres un emocionante partíu contra l'Atleticu Arteixo nel que l'Uviéu anotó 3 goles nos caberos 10 minutos y quedóse a tan solo un tanto de la Segunda division “B” (3-2). Nesi partíu Cerveru salió del bancu nel postrero tramu del partíu y marcó unu de los goles. Acabáu'l partíu foi sacáu a carranquina por munchos de los 25000 aficionaos que dieronse cita nel Estadiu Carlos Tartiere, mientres lloraba desconsoláu. Na rueda de prensa posterior, inda visiblemente emocionáu, declaró:

Nun se si voi poder llevar a esti equipu a Primera, pero lo que tengo bien claro ye que hasta l'Uviéu nun xuba a Segunda B, o muerro o yo d'equi nun colo, pola mio madre o pol mio padre, esto tengolo per claru.

Diego Cervero

Anovó'l so contratu pa la temporada 2004/2005, na que portó'l dorsal 9. Perdióse los primeros partíos por cuenta de una mancadura, y dempués Antonio Rivas nun confió nél pa ser titular. De toes maneres, acabó la temporada con 38 partíos xugaos (21 de titular) y 18 goles marcaos, superando asina de llargu les cifres de l'anterior temporada. Finalmente l'Uviéu ascendió tres una eliminatoria escontra´l Real Avila, que dexó sentenciada en tierres abulenses tres acabar el partíu 1-5 ante más de 3000 oviedistes, nun partíu nel que Cervero nun foi convocáu.

Tres delles especulaciones, Cervero finalmente tamién tuvo presente na plantiya del Real Uviéu na temporada 2005/2006 pa encarar el nuevu retu de la Segunda B. Pero les coses fueron distintas, y anque´l mozu canteranu nun esfrutó apenes de minutos de xuego, anotó dellos goles decisivos pal equipu. Amás per primer vegada ye escoyíu como primer capitán de la plantiya, Nel branu de 2006 foi apartáu de la plantiya uviedista y tres pasar la temporada braniza ensin equipu, tuvo un pasu fugaz pol Oldham Athetlic, de la Tercera división inglesa. Finalmente esi añu recaló na Unión Deportiva Marbella, de la Segunda división B. Nel equipu malacitano apenas esfrutó de minutos de xuego y a metá de temporada fichó pol Club Deportivo Lealtad de la Tercera divisón, equipu col que llegó a xugar la fase d'ascensu a Segunda división B.

Gracies a la bona temporada en Villaviciosa, Diego torna al Real Uviéu en xunu de 2007, na que foi la so segunda etapa nel equipu, que naquel momentu competía de nuevu na Tercera división.

Cervero acabó la temporada 2007/2008 como pichichi de la Tercera división grupu 2 con 26 goles, ayudando asina al Real Uviéu a clasificase pa la fase d'ascensu a Segunda división B, na que cayería esaniciáu contra´l Caravaca Club de Futbol.

Na temporada 2008/2009 foi pichichi otra vegada con 35 goles, superando llargamente los antiguos rexistros y llogrando l'ascensu a Segunda división B contra´l Mallorca B.

En xunetu de 2009 refuga la ufierta de anovamientu del Real Uviéu por dos temporaes, ya que él quería tres, aludiendo que precisaba estabilidá llaboral. Por aquelles feches comentó que si l'Uviéu nun-y ufiertaba un contratu per tres temporaes, diba dedicase a estudiar el MIR, pero ye ciertu que nunca dexó la puerta pesllada a otru equipu que-y ufiertara esa estabilidá. Díes mas tarde anuncia el so fichaxe pol recién creáu equipu de l'Unión Deportiva Logroñés, de Segunda divisón B, que-y ufiertaba tres temporaes de contratu.

Nel cómputu global foi-y perbién durante los tres años siguientes. Entamó la campaña 2009/2010 recibiendo delles crítiques per parte d'un sector de la afición roxiblanca, pero gano'l indultu a base de goles. Na campaña del so debú con los rioxanos, Diego Cervero marcaría 13 goles. Na so segunda temporada na Unión Deportiva Logroñés, l'uvieín proclámase pichichi del grupu 2 de Segunda división B con 18 goles.

N'abril de 2012, tres acabar la temporada como pichichi per segunda vegada consecutiva, con 20 tantos, anuncia que quier estudiar el MIR y si non-y llega nenguna ufierta interesante, retiraráse pa poder siguir colos sos estudios y preparar la especialidá de traumatoloxía.

La temporada 2012/2013 na carrera futbolistica de Diego Cervero tará marcada pola so vuelta al so equipu de l'alma. Al entamu del Xunetu confirmase la so vuelta al Real Uviéu. Ye'l fichaxe qu'esperaba l'afición de la capital de Asturies. La so pasión pol color azul y la posibilidá de siguir preparándo´l MIR abrieron les puertes del regresu de Cervero a la so casa.

La temporada 2013/2014 Diego Cervero entama como delanteru titular, anque'l so rendimiento foi decayendo d'acordies col del equipu, viéndose apostráu al banquillu, apareciendo como revulsivu nos postreros minutos de los alcuentros. Magar tou y na temporada de más esixencia del equipu carbayón, y que finalmente acaba n'estrueldosu fracasu, Diego Cervero xuega un total de 33 partíos marcando 12 goles.

Pa la campaña 2014/2015 el futuru de Diego Cervero taba nel aire hasta la llegada del nuevu entrenador. Una temporada na que'l maximu accionista del club, el Grupo Carso, intervien na planificación deportiva. Diego Cervero, demuestra'l so compromisu fiel escontra l'uvieísmu aceptando una rebaxa del 30% nel so sueldu pa siguir nel Uviéu. Esta temporada l'equipu proclámase Campeón del so grupu cola participación del 9 nun segundu planu. Nos play-offs d'ascensu contra´l Cadiz, el conxuntu andaluz adelantase nel Tartiere y el técnicu del Real Uviéu Sergio Egea recurre al delanteru para los postreros minutos. Al poco de salir al prau, Diego Cervero manda un testarazu a la rede tres un centru de Borja Valle.

N'agostu de 2015, na primera xornada del Real Uviéu na Segunda división tres 12 años, Diego Cervero salta la campu del Carlos Tartiere nel minutu 86 ante'l CD Lugo, debutando asina na Segunda división.

Clubes[editar | editar la fonte]

Club País Añu
Real Uviéu España 2003-2006
Oldham Athletic Inglaterra 2006
Unión Deportiva Marbella España 2006
Club Deportivo Lealtad España 2007
Real Uviéu España 2007-2009
Unión Deportiva Logroñés España 2009-2012
Real Uviéu España 2012-

Palmarés[editar | editar la fonte]

Campeonatos nacionales[editar | editar la fonte]

Títulu Club País Añu
Tercera División (Grupu II) Real Uviéu España 2003-2004
Tercera División (Grupu II) Real Uviéu España 2004-2005
Tercera División (Grupu II) Real Uviéu España 2007-2008
Tercera División (Grupu II) Real Uviéu España 2008-2009

Distinciones individuales[editar | editar la fonte]

Distinción Club Añu Goles
Máximu goleador del Grupu II de Tercera División Real Uviéu 2004-2005 18 goles
Máximu goleador del Grupu II de Tercera División Real Uviéu 2007-2008 26 goles
Máximu goleador del Grupu II de Tercera División Real Uviéu 2008-2009 35 goles
Máximu goleador del Grupu II de Segunda División B UD Logroñés 2010-2011 18 goles
Máximu goleador del Grupu II de Segunda División B UD Logroñés 2011-2012 20 goles

Referencies[editar | editar la fonte]

Enllaces esternos[editar | editar la fonte]