Diane Baker

De Wikipedia
Diane Baker
Vida
Nacimientu Hollywood25 de febreru de 1938[1] (86 años)
Nacionalidá Bandera de Estaos Xuníos d'América Estaos Xuníos
Llingua materna inglés
Estudios
Estudios Escuela Secundaria de Van Nuys (es) Traducir
Llingües falaes inglés[2]
Oficiu actriz, productora de cine, actriz de televisiónactriz de cine
Emplegadores Universidá Academia d'Arte
IMDb nm0000832
Cambiar los datos en Wikidata

Diane Baker (25 de febreru de 1938Hollywood) ye una actriz, productora de cine, actriz de televisión y actriz de cine d'Estaos Xuníos.

Biografía[editar | editar la fonte]

Primeros años[editar | editar la fonte]

Baker nació y crióse en Hollywood, California, fía de Dorothy Helen Harrington, qu'apaeció en delles de les primeres películes de los Hermanos Marx y de Clyde L. Baker.[3] Camudóse a Nueva York a los 18 años d'edá pa estudiar actuación con Charles Conrad y balé con Nina Fonaroff.

Carrera[editar | editar la fonte]

Depués de consiguir un contratu cola Twentieth Century Fox, Baker realizó'l so debú cinematográficu cuando resultó escoyida pol direutor George Stevens pa interpretar a Margot Frank na película de 1959 The Diary of Anne Frank. El mesmu añu, protagonizó Journey to the Center of the Earth xunto a James Mason y en The Best of Everything con Hope Lange y Joan Crawford.

Otres películes de Fox nes qu'apaeció Baker inclúin el thriller Nine Hours to Rama, Hemingway's Adventures of a Young Man y The 300 Spartans. Los sos trabayos en televisión a finales de la década de 1950 y principios de los años 1960s inclúin participaciones en Follow the Sun, Bus Stop, Adventures in Paradise, The Lloyd Bridges Show, The Nurses y Route 66.

Depués de romper el so contratu con Fox y llueu de protagonizar en 1960 la cuarta versión cinematográfica de la novela de Grace Miller White Tess of the Storm Country, Baker apaeció en 300 Spartans (1962) y en Stolen Hours, una remake de 1963 de Dark Victory, y, nel mesmu añu, protagonizó xunto a Paul Newman y Elke Sommer el llargumetraxe El premiu.

En 1964, trabayó xunto a Joan Crawford en dambos thrillers empobinaos por William Castle basaos n'asesinatos, Strait-Jacket, y nun pilotu pa televisión tituláu Royal Bay, que foi promocionáu como Della. Alfred Hitchcock escoyóla pa la película Marnie (1964) personificando a Lil Mainwaring, la cuñada de Mark Rutland (Sean Connery). Co-protagonizó xunto a Gregory Peck y Walter Matthau Mirage (1965), dirixida por Edward Dmytryk, y Krakatoa, East of Java (1969) con Maximillian Schell. N'agostu de 1967, Baker tuvo la oportunidá d'interpretar a la pareya de David Janssen nel episodiu final de dos partes de la serie televisiva The Fugitive, que foi, nesi momentu, el programa más vistu de la hestoria.

Nes décades posteriores a Mirage, apaeció en delles ocasiones en televisión y empezó a producir películes, incluyendo'l drama de 1980 Never, Never Land y la miniserie de 1985 A Woman of Substance. Remaneció na pantalla grande con The Silence of the Lambs (1991) como la senadora Ruth Martin. Tamién trabayó nes películes The Joy Luck Club, The Cable Guy, The Net y A Mighty Wind. Apocayá, apaeció como estrella convidada en House en 2005 como Blythe House, la madre del protagonista, volviendo formar parte del repartu nun episodiu de la quinta temporada de la serie, emitíu orixinalmente en 2008; en 2012 volverá apaecer como estrella convidada, mientres un episodiu de la octava temporada.[4]

Dende agostu de 2004, Baker foi la Direutora d'Actuación na Escuela de Cine y Televisión na Universidá Academia d'Arte en San Francisco.

Referencies[editar | editar la fonte]

  1. Afirmao en: SNAC. Identificador SNAC Ark: w6t589wd. Apaez como: Diane Baker. Data de consulta: 9 ochobre 2017. Llingua de la obra o nome: inglés.
  2. URL de la referencia: https://plus.si.cobiss.net/opac7/conor/129189987.
  3. Diane Baker en Yahoo! Movies. Consultáu'l 9 d'avientu de 2008.
  4. "Love is Blind en Fox. Consultáu'l 23 de febreru de 2012.

Enllaces esternos[editar | editar la fonte]