Descubrimientu d'América

De Uiquipedia
Saltar a: navegación, buscar
Uiquipedia:Llista d'artículos que toa Wikipedia tien que tener
Los 4 viaxes que fexo Cristóbal Colón a América
Primer desembarcu de Cristóbal Colón n'América (1862) obra del pintor español Dióscoro Puebla (1831-1901); una visión romántica de l'arribada de Cristóbal Colón a América.

La espresión descubrimientu d'América úsase davezu pa referise a l'arribada a América d'un grupu espedicionariu español que, representando a los Reis Católicos, partió dende'l Puertu de Palos, comandáu por Cristóbal Colón, y aportó'l vienres 12 d'ochobre de 1492 a una islla denomada Guanahaní. Los viaxes de los portugueses a India siguiendo la mariña Africana significaron un estímulu pa otros navegantes europeos que creíen que yera dable aportar a les rexones del Asia oriental navegando escontra l'oeste. Cristóbal Colón yera partidariu d'esta hipótesis. Sofitáu pola monarquía española, entamó un viaxe d'esploración que lu llevó a les costes americanes en 1492. Cristóbal Colón creía qu'aportara al continente asiáticu, denomáu polos europeos Indies y morrió ensin saber qu'arribara a un continente desconocíu polos europeos.

La espresión «descubrimientu d'América» pa referise a l'arribada de Colón al continente americanu, criticóse en dellos sectores, cultures y estudiosos, dando llugar a un enantáu y apasionáu alderique. Nesti artículu adóutase como significáu del términu, tolos viaxes fechos por Colón a América, l'alcuentru de los españoles coles cultures americanes qu'habitaben eses tierres, asina como les rellaciones y conflictos inmediatos ente indíxenes y españoles qu'esi alcuentru fexo.

Trátase d'ún de los momentos cumes de la hestoria universal porque significó l'alcuentru de dos mundos humanos que se desenvolvieren independientemente, ensin qu'unu conociera la esistencia del otru[1]

Nel artículu estrémase nidiamente l'actu mesmu del descubrimientu», atalantáu como una riestra de viaxes que fixeron los primeros españoles qu'aportaron a América y la so dimensión d'alcuentru ente cultures, del posterior procesu históricu conocíu como conquista d'América que los europeos fexeron de siguío. Les consecuencies d'esti alcuentru ente dos mundos foron dramátiques pa los nativos americanos, llegando a producise la muerte de millones de persones (guerres, esclavitú y, sobremanera, enfermedaes) y la desapaición de cultures.

Cites y Referencies[editar | editar la fonte]

  1. Todorov, Tzvetan. El descubrimientu d'América: el problema del otru. ISBN 3-598-71873-X.