Derechos llingüísticos

De Wikipedia

Los derechos llingüísticos o derechos humanos en materia llingüística (tamién derechos humanos llingüísticos) son aquellos derechos humanos y civiles que tien un individuu o coleutivu a escoyer la llingua na que se quier comunicar, tanto en privao como en público, ensin tener en cuenta la nacionalidá, etnia o númberu de falantes de la llingua nel territoriu.

Ente los derechos llingüísticos alcuéntrase'l derechu a los actos llegales, alministrativos y xudiciales, a la educación y a los medios de comunicación nuna llingua que seya entendida y escoyida llibremente poles persones interesaes. Estos derechos constitúin una ferramienta pa combatir l'aculturación forzosa y l'imperialismu llingüísticu, especialmente nun contestu que busca protexer a les minoríes y pueblos indíxenes.

Nel derechu internacional los derechos llingüísticos suelen contemplase dientro del marcu más ampliu de los derechos culturales y educativos.

Dellos documentos cruciales pal sustentu de la doctrina de los derechos llingüísticos son la Declaración Universal de Derechos Llingüísticos, la Carta Europea de les Llingües Minoritaries o Rexonales y el Conveniu Marcu pa la Proteición de les Minoríes Nacionales.

Ver tamién[editar | editar la fonte]

Referencies[editar | editar la fonte]

  • T Skutnabb-Kangas & R Phillipson, Linguistic Human Rights: Overcoming Linguistic Discrimination, Berlin: Mouton de Gruyter, 1994.

Referencies[editar | editar la fonte]

Enllaces esternos[editar | editar la fonte]