Dentro de la viñeta

De Wikipedia
Saltar a navegación Saltar a la gueta

Dentro de la viñeta ye una revista asturiana de cómic asoleyada n'Avilés pola Asociación d'Amigos de la Historieta d'Asturies, dende l'añu 1999.

La direición de la mesma empobinala Jorge Iván Arguiz y Ángel de la Calle y nella collaboren una bona riestra de persones venceyaes d'estremada manera col mundu del cómic, tanto de dientro como de fuera d'Asturies.

Na revista asoléyense entrevistes con dibuxantes o guionistes, danse reseñes de les últimes novedaes del mercáu de la historieta, asina como estudios relativos a cualquiera de les estayes que componen esti mediu de narración secuencial o les anuncies relatives a los salones o festivales del cómic que tienen llugar a lo llargo de tola xeografía española.

Nos últimos años, y coincidiendo coles Xornaes Internacionales del Cómic Villa d'Avilés, vien inxiriéndose na revista'l programa de les mesmes, asina como les reseñes de los autores que participarán nes Xornaes.