Denise Richards

De Wikipedia
Denise Richards
Vida
Nacimientu Downers Grove (es) Traducir17 de febreru de 1971[1] (53 años)
Nacionalidá Bandera de Estaos Xuníos d'América Estaos Xuníos
Llingua materna inglés
Familia
Casada con Charlie Sheen (2002 – 2006)
Pareyes Richie Sambora
Fíos/es
Estudios
Estudios Downers Grove North High School (en) Traducir
El Camino High School (en) Traducir
Llingües falaes inglés[2]
Oficiu actriz de televisión, actriz de cine, modelupersonalidá televisiva
IMDb nm0000612
deniserichards.com
Cambiar los datos en Wikidata

Denise Lee Richards (17 de febreru de 1971Downers Grove (es) Traducir) ye una actriz y ex-modelu d'Estaos Xuníos qu'algamó l'ésitu mientres la década de los 90 gracies a Starship Troopers (1997), Wild Things (1998) y El mundu nunca ye abondu (1999). Tamién protagonizó un reality show llamáu Denise Richards: It's Complicated en Y!.

Biografía[editar | editar la fonte]

Richards en 1999

Richards nació en Downers Grove, Illinois ye la fía de Joni, dueña d'una tienda de café y de Irv Richards, un inxenieru de teléfonos. Ye d'ascendencia galesa y croata. Tien una hermana, Michelle, y creció tanto en Mokena como en Downers Grove, Illinois. Graduóse en 1989 de la Escuela El Camín d'alta en Oceanside, California. Cuando yera neña, yera la "única moza del equipu de béisbol." Antes de ser actriz, Richards foi contratada por Judith Fontaine & Talent Agency como modelu.

Carrera[editar | editar la fonte]

Richards nel 2011

Conocida pol so papel de Chica Bond en El mundu nunca ye abondu (1999) o Un San Valentín de muerte (2001), l'actriz actuó na sitcom Spin City y fixo un cameo en Seinfeld en 1993, onde interpretaba a una quinceañera -a pesar de que Denise, realmente, tenía 21 años- que seducía al personaxe de George Constanza col so escote. N'avientu de 2004 posó desnuda pa Playboy y un añu más tarde foi nomada, pola revista In Touch, como la ma más sexy. Tamién apaeció nel videoclip The Captain Of Her Heart (1986), de los suizos Double.

Ente 2008 y 2009 emitióse'l reality Denise Richards: It's complicated (Y!), onde pudo reparase cómo ye la vida diaria de Denise y tolos problemes que tien d'enfrentar dempués de la muerte de la so madre pola mor del cáncer, los paparazzis, los problemes colos sos asistentes o les fiestes. El programa foi atayáu na so segunda temporada por baxa audiencia.

A fines de setiembre de 2011 refugó una ufierta de cien mil dólares pa participar nun capítulu de Two and a Half Men onde tenía de participar nel funeral de Charles Francis Harper (papel de Charlie Sheen).[3]

Vida personal[editar | editar la fonte]

Casóse con Charlie Sheen en 2002, pero pidieron el divorciu en marzu de 2005. La pareya nun tardó en reconciliase y buscaron terapia de pareya pa iguar la so rellación. Al pie de él apaeció en Good Advice y Scary Movie 3, onde interpretaron a un matrimoniu nel cual ella resultaba pillada por un coche. Sicasí, el 4 de xineru de 2006 el representante d'ella anunció que siguiría col divorciu y pidió una orde d'alloñamientu contra él, citando les sos presuntes amenaces de muerte contra ella. La pareya tien dos fíos: Samantha Katherine (9 de marzu de 2004) y Lola Rose (1 de xunu de 2005). Amás, ella adoptó a un ñácaru.

Richards, que tamién salió col actor Patrick Muldoon, foi rellacionada col actor John Stamos, con quien salió nos sos años d'adolescencia y más apocayá col actor llatinoamericanu Walter Rayo.

Del 2007 hasta principios del 2012 caltuvo una rellación con Richie Sambora.

Filmografía[editar | editar la fonte]

Referencies[editar | editar la fonte]

  1. Afirmao en: SNAC. Identificador SNAC Ark: w6vh6jfg. Apaez como: Denise Richards. Data de consulta: 9 ochobre 2017. Llingua de la obra o nome: inglés.
  2. Biblioteca Nacional de Francia. «autoridaes BNF» (francés). Consultáu'l 10 ochobre 2015.
  3. «¿Qué actriz refugó 100 mil dólares pa participar nun namái capítulu?». ciudá.com.ar. Consultáu'l 27 de setiembre de 2011.

Enllaces esternos[editar | editar la fonte]