Delta Serpentis

De Wikipedia
Ficha d'oxetu celesteDelta Serpentis
estrella binaria[1], estrella doble (es) Traducir[2] y near-IR source (en) Traducir[2]
Datos d'observación
Ascensión reuta (α) 233,700615063 °[3]
Declinación (δ) 10,538867997 °[3]
Magnitú aparente (V) 2,766 (Banda K (es) Traducir)
2,827 (Banda H (es) Traducir)
2,983 (Banda J (es) Traducir)
Magnitú absoluta −0,42
Constelación Serpens
Velocidá de rotación 77,4 km/s[5]
Velocidá radial −38,89 km/s[5]
Parallax 14,3 mas[3]
Radiu 6,84 Radius solars
Gravedá superficial 1600 cm/s²[5]
Tipu espectral F0[2]
Otros nomes
Cambiar los datos en Wikidata

Coordenaes: Sky map 15h 34m 48.148s, 10° 32 19.925

Delta Serpentis (δ Ser / 13 Serpentis / HD 138917J) ye un sistema estelar na constelación de Serpens, asitiáu en Serpens Caput, la cabeza de la culiebra. Ensin nome propiu habitual, dacuando foi llamáu Qin o Chin, del chinu mandarín 秦朝, Qín Cháo, en referencia a la dinastía Qin. Alcuéntrase a unos 210 años lluz de distancia del Sistema Solar.

Anque a simple vista Delta Serpentis vese como una estrella de magnitú aparente +3,8, reparada al traviés del telescopiu apaez como una estrella binaria que les sos componentes tán dixebraes 3,9 segundos d'arcu, formando un conxuntu similar a Porrima (γ Virginis). Dambes estrelles tán catalogaes como subxigantes blanques de tipu espectral F0IV.[6][7] La más brillosa de los dos, δ Serpentis A, tien una temperatura de 7550 K y una lluminosidá 71 vegaes mayor que la del Sol. La otra componente, δ Serpentis B, ye 26 vegaes más lluminosa que'l Sol. Los sos radios respeutivos son 5 y 3 vegaes más grandes que'l radiu solar, y les sos mases son 2,4 y 2,1 vegaes mayores que la del Sol.[8]

Con una edá averada de 800 millones d'años, dambes tán a puntu de convertise n'estrelles xigantes y, siendo la componente A más masiva, avanzó más na so evolución, terminando la fusión d'hidróxenu nel so nucleu.[8] Ésta ye una variable Delta Scuti, con una variación nel so rellumu d'apenes 0,04 magnitúes con dellos periodos de 3,04 y 3,74 hores.[7] La separación real ente dambes componentes ye de 375 UA con un periodu orbital d'unos 3200 años, magar el cálculu de la órbita ye prematuru dáu'l lentu movimientu orbital.[6]

Visualmente a 66 segundos d'arcu atopa otra estrella binaria bien tenue (magnitú 14) que puede tar físicamente rellacionada con Delta Serpentis.[6]

Referencies[editar | editar la fonte]

  1. Afirmao en: Catálogo de Estrellas Dobles Washington.
  2. 2,0 2,1 2,2 Afirmao en: SIMBAD.
  3. 3,0 3,1 3,2 Floor van Leeuwen (2007). «Validation of the new Hipparcos reduction» (n'inglés). Astronomy and Astrophysics (2):  páxs. 653–664. doi:10.1051/0004-6361:20078357. 
  4. 4,0 4,1 4,2 Afirmao en: VizieR Online Data Catalog: 2MASS All-Sky Catalog of Point Sources (Cutri+ 2003). Stated in source according to: SIMBAD. Autor: Schuyler D. Van Dyk. Páxina: -1. Llingua de la obra o nome: rusu. Data d'espublización: xunu 2003.
  5. 5,0 5,1 5,2 David Latham (7 avientu 2007). «Rotational and radial velocities for a sample of 761 Hipparcos giants and the role of binarity» (n'inglés). The Astronomical Journal (1):  páxs. 209–231. doi:10.1088/0004-6256/135/1/209. 
  6. 6,0 6,1 6,2 HR 5788 (The Bright Star Catalogue)
  7. 7,0 7,1 HR 5789 (The Bright Star Catalogue)
  8. 8,0 8,1 Delta Serpentis (Stars, Jim Kaler)

Coordenaes: Sky map 15h 34m 48.148s, 10° 32 19.925