Delta Horologii

De Wikipedia
Saltar a navegación Saltar a la gueta
Delta Horologii
Delta Horologii
Constelación Horologium
Ascensión reuta α 04h 10min 50,59s
Declinación δ -41º 59’ 36,9’’
Distancia 175 años lluz
Magnitú visual +4,93
Magnitú absoluta +1,25
Lluminosidá 27 soles
Temperatura 6970 K
Masa 2 soles
Radiu 3,3 soles
Tipu espectral A9V
Velocidá radial +37 km/s

Delta Horologii (δ Hor / HD 26612 / HR 1302) ye la segunda estrella más brillosa na constelación de Horologium, el reló, dempués de α Horologii. De magnitú aparente +4,93, ta na llende pa podese ver a simple vista. La estrella ye más visible nos meses en redol a payares, pero namái pa observadores asitiaos nel hemisferiu sur terrestre. Alcuéntrase a 175 años lluz de distancia del Sistema Solar.[1]

Delta Horologii ye una estrella blanca de la secuencia principal, polo xeneral clasificada de tipu espectral A9V,[2][3] anque tamién foi clasificada como subxigante de tipu F2IV. Probablemente alcuéntrase a la fin de la so etapa como estrella de la secuencia principal —en que'l so interior tien llugar la combustión de hidróxenu—, y ta empezando a tresformase nuna estrella subxigante de mayor tamañu, siendo'l so radiu 3,3 vegaes mayor qu'el radiu solar. La so temperatura superficial ye de 6970 K y la so lluminosidá ye 27 vegaes mayor que la del Sol. Presenta una metalicidá daqué inferior a la solar ([Fe/H] = -0,09). Tien una masa doble de la del Sol y una edá envalorada de 1000 millones d'años.[4]

Como otres estrelles estrelles de les sos carauterístiques, tien una alta velocidá de rotación —193 km/s—,[3] cuasi 100 vegaes mayor que la del Sol.

Referencies[editar | editar la fonte]