Delta Cygni

De Wikipedia
Ficha d'oxetu celesteDelta Cygni
estrella binaria[1]
Parte de Northern Cross (en) Traducir
Datos d'observación
Ascensión reuta (α) 296,2435005 °
Declinación (δ) 45,1306944 °
Magnitú absoluta −0,74
Constelación Cygnus (es) Traducir[2]
Carauterístiques físiques
Radiu 5,13 Radius solars
Masa 2,93 M☉
Otros nomes
Cambiar los datos en Wikidata

Coordenaes: Sky map 19h 44m 58.44s, 45° 7 50.5

Delta Cygni (δ Cyg / 18 Cygni / HD 186882) ye la cuarta estrella más brillosa de la constelación de Cygnus con magnitú aparente +2,86. Anque güei nun tien nome propiu, d'antiguo yera conocida como Ruc —o Rukh— y Urakhga, dambos rellacionaos con Roc, un páxaru míticu d'enorme tamañu y fuercia. Los términos Rukh y Urakhga provienen del persa y del acadiu respeutivamente. Otru nome utilizáu, ésti d'orixe árabe, foi Al Fawaris (الفوارس), que significa «los caballeros».

A una distancia de 171 años lluz del Sistema Solar, Delta Cygni ye una sistema estelar con dos componentes bastante próximes ente sigo y una tercera más alloñada. Les estrella visible ye una subxigante blanca de tipu espectral B9.5IV y 9800 K de temperatura. Con una masa ente 3 y 3,3 mases solares, tien un radiu 4,7 vegaes más grande que'l del Sol y ye 180 vegaes más lluminosa qu'ésti. Al igual qu'otres estrelles calientes, la so velocidá de rotación ye bien alzada —siquier 135 km/s—, 60 vegaes mayor que la del Sol. La so compañera ye una estrella blancu-mariella de tipu espectral F1V con una temperatura de 7300 K y una lluminosidá 6,2 vegaes mayor que la lluminosidá solar. La so masa envalórase un 60% mayor que la del Sol. La separación media ente dambes estrelles ye d'aproximao 157 UA —la escentricidá de la órbita fai que la distancia ente elles varie ente 84 y 230 UA— con un periodu orbital de 780 años. La tercera componente, de magnitú 12, ta muncho más alloñada. Ye una nana naranxa de tipu K5 V con una masa de 0,66 mases solares.

Delta Cygni va ser la Estrella Polar mientres siquier cuatro sieglos alredor del añu 11250 NE.

Referencies[editar | editar la fonte]

  1. Afirmao en: SIMBAD.
  2. Afirmao en: VizieR. Llingua de la obra o nome: inglés.

Coordenaes: Sky map 19h 44m 58.44s, 45° 7 50.5