Daniela Di Giacomo

De Wikipedia
11-03-2021 09:11
Daniela Di GiacomoPicto infobox character.png
Vida
Nacimientu

Caraques15  de mayu de 1985

(37 años)
Nacionalidá Bandera de Venezuela Venezuela
Oficiu modelu, presentadora de televisiónparticipante en concursos de belleza
Altor 176 cm
IMDb nm7060081
Cambiar los datos en Wikidata

Daniela Annette Di Giacomo Di Giovanni (15  de mayu de 1985Caraques) ye una comunicadora social, locutora de radio y televisión, modelu, nadadora, Miss Venezuela International 2005, Miss International 2006 y consultora d'imaxe.

Biografía[editar | editar la fonte]

Nació'l 15 de mayu de 1985 en Caraques Venezuela) ye fía de padres italianos, siendo la segunda de dos hermanos Linn y Luca Di Giacomo. Foi nadadora federada mientres dellos años de la so vida, representando a Venezuela a nivel internacional. Al empar desenvolvió la so carrera como modelu nes pasareles más importantes a nivel internacional en capitales del mundu como París y Milán. Foi Miss Venezuela Internacional 2005 y Miss International 2006. Ente los sos primeros trabayos destacó la so participación como narradora y productora de noticies del mundu del espectáculu en Venevisión col programa Estrenos y Estrellas y animadora del programa de concursos de Producción Nacional Independiente Ahora venimos con Todo tresmitíu pola mesma cadena de televisión.

La so victoria na 46 edición de Miss International, llevada a cabu en Beixín (China), dio-y a Venezuela'l so quintu títulu na hestoria del concursu, faciéndolu'l país con más corones hasta la fecha. Daniela recibió una corona cristalina nueva en cuenta de la tradicional corona de perlles. Tamién recibió un cheque de ¥3.000.000, un quimonu típicu de seda bordao, una tiara Maki con 637 diamantes y un troféu de cerámica azul del kutani de Yasokichi Tokuda III, ente munchos otros premios de los patrocinantes del concursu.

La so carrera de modelu empezó en París y en Milán a la edá de diecisiete años en graduándose de Bachiller en Ciencies nel Colexu Santiago de León de Caraques. Estudió na Universidá de Monteávila de Caraques onde llogró'l títulu de Llicenciada en Ciencies de la Comunicación ya Información y anguaño fala inglés, francés ya italianu.

Depués de graduase, Daniela empezó a trabayar pa la canal de televisión venezolanu Televen como animadora de noticies de farándula tolos meudíes nel programa "Lo Actual", xunto cola tamién modelu y ex-miss venezolana Pamela Djalil. Coles mesmes foi contratada pola canal Fashion TV depués conocíu como Glitz, cadena perteneciente al grupu Tuner, pa formar parte de la imaxe de la señal en Venezuela y otros países de Llatinoamérica. Ellí realizó'l rol de presentadora nel programa magacín selmanal Style Report y FTV Mag Venezuela en "Soy TV".

Nel añu 2010, Di Giacomo foi contratada una vegada más pola cadena Turner pa ser la presentadora del Miss Universe pa toa Llatinoamérica. La cadena quedó tan satisfecha del so trabayu que decidieron enllargá-y el contratu 4 años más, hasta'l 2015. Na edición del Miss Universu que se llevó a cabu en Filipines nel añu 2017, Daniela foi escoyida de nuevu como comentarista.

Nel añu 2011 mudóse a la ciudá de Miami col envís de medrar profesionalmente, pa lo qu'estudió inglés de nuevo y clases d'interpretación.


Predecesor:
Precious Lara Quigaman
Flag of the Philippines.svg Filipines
Miss Internacional
2006
Socesor:
Silvia Priscila Perales Elizondo
Flag of Mexico.svg Méxicu
Predecesor:
Flag of Caracas.svg María Andrea Gómez
Miss Venezuela Internacional
2005
Socesor:
Plantía:Xeodatos Sucre (estáu) Vanessa Peretti