Daniel García Granda

De Wikipedia
Saltar a navegación Saltar a la gueta
Daniel García GrandaPicto infobox auteur.png
Vida
Nacimientu

La Pola Siero1972

(48/49 años)
Nacionalidá Flag of Spain.svg España
Estudios
Estudios Universidá d'Uviéu
Llingües falaes asturianu
castellanu
Oficiu
Oficiu escritor
Cambiar los datos en Wikidata

Daniel García Granda (1972La Pola Siero) ye un escritor asturianu. Llicenciáu en filoloxía inglesa pola Universidá d'Uviéu, trabaya como profesor d'educación secundaria. Ye poeta y tien espublizaos dellos llibros n'asturianu y castellanu. Amás, ye articulista nel diariu El Comercio cola columna d'opinión Que te vengo a ver.

En poesía n'asturianu tien asoleyaos los poemarios Poemes del últimu salvaxe (2012) cola Editorial La Baragaña y prólogu de Nacho Vegas y El Remediu (2015) cola editorial Ruleta Rusa y prólogu de Sidoro Villa Costales. Nel añu 2021 algamó'l Premiu Fernán Coronas de poesía cola obra titulada Rosada 3.0 (monólogu interior con alumnos de fondu)[1].

En lliteratura infantil tien asoleyaos dos llibros cola Editorial Pintar-Pintar: "Versos d'Asturies (2017) y Amorina Motosierra (2018). Los dos llibros presenten doble versión n'asturianu y en cstellanu.

En poesía en castellanu tien asoleyaos los siguientes títulos y premios: Definición de biografía(VII Certamen Internacional de poesía Ciudad de Lepe, 2005), Cómo desaparecer completamente(III Premiu Águila de poesía, 2007), "Que se corra la voz y, sobre todo, que se corra la voz" (X Certamen Internacional Ciudad de Lepe, 2008) y Un limón cae: itinerario de haikus y tankas(Ediciones del 4 d'agostu, 2006)

La so poesía anda a metá camín ente lo contemplativo y lo irracional, el versu reflesivu y el sangrín.

Referencies[editar | editar la fonte]

  1. Daniel García Granda faise col Premiu Fernán-Coronas de poesía formientu.com Consultao'l 13 d'agostu de 2021

Enllaces esternos[editar | editar la fonte]