Dama d'Elx

De Uiquipedia
Saltar a: navegación, buscar
Dama de Elche.jpg

La Dama d'Elx (Dama de Elche n'español) ye un bustu iberu talláu en piedra caliar que se data ente los sieglos V ya IV a. C. Mide 56 cm d'altor y tien nel so llombu un cuévanu casi esféricu de 18 cm de diámetru y 16 de fondura, que posiblemente sirvía pa introducir reliquies, oxetos sagraos o cenices como ufriendes al difuntu. Otres munches figures ibériques de calter relixosu, topaes n'otros llugares, tienen tamién nel so llombu un buecu y, como la Dama d'Elx, los sos costazos amuésense llixeramente curvados escontra alantre.

La pieza atopóse cerca d'Elx, onde esiste un montículo que los árabes llamaron Alcudia ('montículo') y que na antigüedá taba casi arrodiáu per un ríu. Sábese que foi un asentamientu íberu denomináu Helike (en griegu) y que los romanos llamaron Colonia Iulia Illici Augusta.

Cuando llegaron los árabes, asitiaron la ciudá más embaxo, na parte llana, calteniendo'l topónimu romanu de Illici, que foi arabizado pol soníu en «Elx». Esíbese nel Muséu Arqueolóxicu Nacional d'España, en Madrid.

Referencies[editar | editar la fonte]