DK Ceti

De Wikipedia
Saltar a: navegación, buscar
DK Ceti
DK Ceti
Constelación Cetus
Ascensión reuta α 01h 57min 48,98s
Declinación δ -21º 54’ 05,3’’
Distancia 137 años lluz
Magnitú visual +8,00
Magnitú absoluta +4,88
Lluminosidá 0,9 soles
Temperatura 5800 K
Masa 0,86 soles
Tipu espectral G4V
Velocidá radial +3,08 km/s
Otros nomes HD 12039 / HIP 93815
SAO 167434 / CD-45 1567

DK Ceti (DK Cet)[1] ye una estrella na constelación de Cetus. Tien magnitú aparente +8,00, polo que nun ye observable a simple vista, y alcuéntrase a 137 años lluz del Sistema Solar.

DK Ceti ye una nana mariella de tipu espectral G4V. Tien una temperatura superficial de 5800 K y la so velocidá de rotación proyeutada —llende inferior de la mesma— ye de 15 km/s.[2] Amuesa una metalicidá inferior a la del Sol ([Fe/H] = -0,28).[2] Ye una estrella bien nueva, tando catalogada como estrella presecuencia principal.[1] Con una edá de namái 30 millones d'años (1/153 parte de la edá del nuesu Sol), ye miembru de la Asociación estelar de Tucana-Horologium.

El satélite Spitzer detectó escesu na radiación infrarroxo emitida por DK Ceti, lo qu'implica la presencia de partícules de polvu al so alredor. Dichu escesu, detectáu a 24 μm pero non a < 14 μm nin a > 70 μm, indica qu'el discu circumestelar tien un cantu esternu y otru internu.[3] La temperatura de les partícules de polvu ye de 160 K.[4]

DK Ceti ye una estrella variable del tipu BY Draconis que'l so rellumu varia 0,12 magnitúes.[5]

Referencies[editar | editar la fonte]