Día del Esperanto

De Wikipedia
Saltar a navegación Saltar a la gueta
L. L. Zamenhof, aniciador del Esperanto. El so día de ñacimientu conmemorase como Día de Zamenhof.

El Día del Esperantu celébrase internacionalmente'l 15 d'avientu, en conmemoración de la fecha del ñacimientu de L. L. Zamenhof (1859-1917), aniciador del esperantu, polo que tamién recibe n'ocasiones el nome de Día de Zamenhof', y constituye la conmemoración más ampliamente celebrada na cultura esperantista. Nesi día (o n'otro d'esa selmana) los esperantistes de tol mundiu organicen alcuentros para festexar la ocasión. L'ideariu del esperantu y la proximidá d'esti día cola Navidá, propicien que los asistentes intercambien regalos (preferiblemente llibros escritos n'esperantu) y felicitaciones. Ye frecuente que mientres estos alcuentros se celebren tamién conferencies y charres sobre L. L. Zamenhof.

Orixe de la tradición[editar | editar la fonte]

Día de Zamenhof en Kelmis (antigua Moresnet) (2008).

La tradición orixinóse nos años 20 del pasáu sieglu, cuando, conforme a la propuesta de diversos intelectuales y activistes (ente ellos Julio Baghy y Nikolao Nekrasov), el 15 d'avientu foi adoptáu como día de celebración pola comunidá esperantista. Nun principiu se celebraba como esaltación de la cultura n'esperantu, y especialmente de la so lliteratura, y por esta razón tovía güei se le conoz tamién dientro del mundiu esperantista como Día del Llibro n'esperantu (Tago de la esperanto-libro). D'esti mou s'anima a los grupos llocales qu'organicen alcuentros durante esi día, a que añadan reseñes de llibros o llectures de poemes al programa, y a anunciar les novedaes editoriales.

Enllaces esternos[editar | editar la fonte]