Día de los 6000 millones

De Wikipedia
Saltar a: navegación, buscar
Día de los 6000 millones
Estimaciones del DESA (Department of Economic and Social Affairs) de Naciones Unidas para la población mundial entre 1950 y 2100
Mapa de países por población. La población mundial pasó de los casi 1000 millones nel añu 1800 a 6000 millones nel añu 1999.[1][2][3]
Mapa de la densidá de población mundial en 1994, cuando la población mundial yera d'unos 5400 millones.

El Fondu de Población de les Naciones Xuníes nomó'l 12 d'ochobre de 1999 el día averáu en que la población mundial algamó 6000 millones tres la nacencia de Adnan Nevic, el primer fíu de Fatima Helac y Jasminko Nević en Sarajevo, Bosnia.[4] Foi designáu oficialmente'l Día de los 6000 millones.

Los demógrafos nun acepten universalmente qu'esta fecha sía esacta. Ello ye que realizóse una investigación posterior qu'axusta'l día de los 6000 millones más cerca del 18 ó 19 de xunu de 1999.[5] Tamién, esta fonte calculó que'l día averáu cuando la población algamara 7000 millones sería a les 16:26:56 del 29 de payares de 2012, lo que finalmente foi un erru de más d'un añu, yá que se llogró esta cifra'l 30 d'ochobre de 2011.

Adnan Nević (nacíu en Sarajevo, Bosnia, el 12 d'ochobre de 1999) foi escoyíu poles Naciones Xuníes como la persona simbólica simultáneamente viva na Tierra. Ye'l primer fíu de los musulmanes Fatima Helac y el so home Jasminko Nević. El neñu nació pesando unos 3,5 kg nel hospital Koševo na capital de Bosnia y Herzegovina. Fuera declaráu pol Fondu de Población de les Naciones Xuníes y dio-y la bienvenida'l secretariu xeneral de Naciones Xuníes, Kofi Annan, como'l neñu 6000 millonésimu. Nació nel día nomáu dos minutos dempués de la medianueche.

Ver tamién[editar | editar la fonte]

Referencies[editar | editar la fonte]