Día Mundial del Síndrome de Down

De Wikipedia
Saltar a navegación Saltar a la gueta

Artículu revisáu
Día Mundial del Síndrome de Down
Día de celebración 21 de marzu
Llugar de celebración Día Internacional
[editar datos en Wikidata]

El Día del Síndrome de Down celébrase cada 21 de marzu.

Celebración[editar | editar la fonte]

Mientres los díes anterior y posterior, les organizaciones de Síndrome de Down alredor del mundu entamen y participen n'eventos pa concenciar de la esistencia y necesidaes que'l Síndrome de Down provoca.

El síndrome afayóse en 1959 como un desorde de cromosomes y ye una tema d'actualidá permanente al afectar nel día a día de forma bien variada nun ampliu rangu de persones en tol mundu. Calcúlase qu'unu de cada 733 ñácaros nacen con esti síndrome.[1] Namái n'Estaos Xuníos hai más de 400.000 persones con esti síndrome.[1]

La fecha foi escoyida pola Down Syndrome International una y bones el númberu ye significativu de la triplicación del vixésimu primer cromosoma (mes 3, día 21)[2] La idea orixinal foi propuesta por Stylianos E. Antonarakis, médicu xenetista en Suiza y adoptáu por ART21, el so grupu de pacientes. Los primeros eventos ficiéronse en 2006 en Xinebra.

El síndrome de Down ye una combinación cromosómica natural que siempres formó parte de la condición humana, esiste en toles rexones del mundu y davezu tien efectos variables nos estilos d'aprendizaxe, les carauterístiques físiques o la salú.
L'accesu afayadizu a l'atención de la salú, a los programes d'intervención temprana y a la enseñanza inclusiva, según la investigación afayadiza, son vitales pa la crecedera y el desenvolvimientu de la persona.
N'avientu de 2011, l'Asamblea Xeneral designó'l 21 de marzu Día Mundial del Síndrome de Down (A/RES/66/149).
Con esta celebración, l'Asamblea Xeneral quier aumentar la conciencia pública sobre la cuestión y recordar la dignidá inherente, la valía y les pervalibles contribuciones de les persones con discapacidá intelectual como promotores del bienestar y de la diversidá de les sos comunidaes. Tamién quier resaltar la importancia de la so autonomía ya independencia individual sobremanera la llibertá de tomar les sos propies decisiones.
El 21 de marzu de 2015 celébrase'l 10º aniversariu del Día Mundial del Síndrome de Down. El tema de 2015 ye: «Les mios oportunidaes, les mios opciones. Esfrutar de plena igualdá de derechos y el papel de les families».

Tema del Día Mundial del Síndrome de Down[editar | editar la fonte]

Tema Añu
2015 «Les mios oportunidaes, les mios opciones. Esfrutar de plena igualdá de derechos y el papel de les families».

Ver tamién[editar | editar la fonte]

Referencies[editar | editar la fonte]

  1. 1,0 1,1 National Down Syndrome Society, (NDSS) Facts About Down Syndrome.
  2. Down Syndrome International, World Down Syndrome Day.

Enllaces esternos[editar | editar la fonte]

Sistema de la ONX

(21 de marzu de 2012)

Organización Mundial de la Salú (OMS)
Organización de les Naciones Xuníes pa la Educación, la Ciencia y la Cultura (UNESCO)
Díes mundiales ya internacionales