Cuatro (canal de televisión)

De Uiquipedia
Saltar a: navegación, buscar
Pa otros usos d'esti términu, ver Canal 4. Disambig.svg

Reportera de Cuatro faciendo una entrevista.

Cuatro ye una canal española de televisión xeneralista perteneciente al grupu empresarial Sogecable qu'entamó a emitir el día 7 de payares de 2005 por reconversión de la concesión de la canal analóxica nacional pel qu'emitía dende 1990 la canal de pagu del grupu, Canal+. Dende la mesma fecha, la emisión de Cuatro tamién ta disponible en tol país al traviés de la TDT.

Antecedentes[editar | editar la fonte]

En febreru de 2005, el conseyu d'alministración de Sogecable (empresa propietaria de Canal+ y la plataforma dixital Digital+) solicita-y al Conseyu de Ministros d'España'l camudamientu de les condiciones afitaes en 1989 pol Estáu español col enfotu de que se desaniciaren les torgues previstes na llicencia de televisión analóxica cola que desenvolvíase la canal codificada Canal+, y que finxaba ente cuatro y seis hores al día les emisiones n'abiertu.

Depués d'esti pidimientu de Sogecable, los otros concesionarios de llicencies de televisión nacional n'analóxicu (Antena 3 y Telecinco) y en dixital (Net TV y Veo TV) n'España menaciaron con dir a los xulgaos, yá que, sigún ellos, perxudicaba los sos intereses y a la llibre competencia, yá que Sogecable tien el monopoliu de la televisión dixital per satélite y munchos drechos d'emisión del fútbol y de cine.

El gobiernu de José Luis Rodríguez Zapatero decidió dexar el camudamientu de condiciones na llicencia de Canal+ dellos meses fasta obtener un informe del Conceyu d'Estáu d'España a pidimientu de Sogecable, y, lo más importante, llegar a un alcuerdu colos demás grupos mediáticos. L'alcuerdu llegó al concede-yos un multiplex completu (4 canales) a caún d'ellos depués del apagón analóxicu previstu n'España pa 2010.

Finalmente, el Conseyu de Ministros, depués de recibir l'informe favoratible pa camudar la llicencia a Canal+, decidió en sesión del 29 de xunetu de 2005, camudar les condiciones de la llicencia de Canal+. Decidióse tamién entamar un concursu pa la concesión d'otra llicencia analóxica de TV.

D'esta mena, Sogecable fexo públicu un comunicáu nel qu'anunciaba que na seronda de 2005 Sogecable llanzaría la so nueva canal de TV n'abiertu al traviés de la frecuencia analóxica pola qu'emitía Canal+. El comunicáu tamién aclariaba que Canal+ pasaba a emitise namás que pola plataforma Digital+.

La concesión d'esta llicencia, a pocos años del apagón analóxicu, prevocó delles protestes dende la oposición política al Gobiernu, por mor de la supuesta proximidá ideolóxica ente'l PSOE del presidente Rodríguez Zapatero y el grupu de comunicación PRISA, nel qu'enxértase Sogecable.

El 30 d'agostu de 2005 Sogecable al traviés de la Cadena SER anuncia que Iñaki Gabilondo, la so estrella cimera, direutor y presentador del programa Hoy por Hoy demientres los caberos diecinueve años, dexaba la dirección d'esti programa pa ser el presentador del informativu de les nueches de la nueva canal.

Hestoria[editar | editar la fonte]

A les 20.44 hores (hora de Madrid) del 7 de payares de 2005, Cuatro entama les emisiones. Les audiencies de la cadena al entamu de les emisiones tuvieron menos del 5% de cuota de pantalla, siendo la cadena colos índices más baxos de les televisiones nacionales d'España.

Enllaces esternos[editar | editar la fonte]