Cuadriga

De Wikipedia
Saltar a navegación Saltar a la gueta
Cuadriga ornamental na Puerta de Brandeburgo, en Berlín.

La cuadriga (del llatín, quadri-, cuatro, y jungere, xuncir, xunir por aciu una parexa) (quadriga), en tiempos del Imperiu romanu, yera un tipu de carru tiráu por cuatro caballos en llinia. El vehículu foi utilizáu polos xenerales cuando entraben triunfalmente nes ciudaes. La so variante con dos caballos, usada yá dende tiempos griegos y anteriores, denominábase biga.

La cuadriga como símbolu[editar | editar la fonte]

Esta situación dio-y un calter "victoriosu" a esti tipu de carru, polo que na cultura occidental los monumentos que representen esti vehículu sirven pa conmemorar les victories.

El monumentu d'esti tipu más famosu ye la Cuadriga de Berlín (Alemaña) que corona la Puerta de Brandeburgo. Esta escultura, obra de Johann Gottfried Schadow, foi retirada de Berlín en 1806 pol exércitu de Napoleón I, quien la llevó a Francia como troféu. Tres la cayida de Napoleón, la obra foi devuelta a Berlín onde permanez anguaño. La obra foi gravemente estropiada mientres la Segunda Guerra Mundial, polo que nos años 1950 foi necesariu fundir nuevamante la escultura utilizando los moldes orixinales.

Dende 2003, l'asociación 'Werkstatt Deutschland' (#Taller Alemaña) concede en Berlín cada 3 d'ochobre, día de la Unidá alemana, el premiu 'Quadriga' a persones destacaes pola so amplitú de mires, pragmatismu, compromisu y credibilidá».[1]

Otra cuadriga famosa ye la qu'afata l'Arcu de Trunfu del Carrusel" de François Joseph Bosio en París (Francia), en terrenes del Muséu del Louvre en Francia.

Galería[editar | editar la fonte]

Referencies[editar | editar la fonte]

  1. «Kohl recibirá premio Quadriga como 'destacado europeo de posguerra'» (español). Deutsche Welle 17/9/2005 (2005). Consultáu'l 3 de setiembre de 2007.