Cuadernu de bitácora

De Wikipedia
Saltar a navegación Saltar a la gueta
Cuadernu de bitácora históricu de la fragata Grand Turk.

Na marina mercante, conozse col nome de cuadernu de bitácora al llibru nel que los marinos, nes sos respeutives guardies, rexistraben los datos de qu'asocedía. Etimolóxicamente vien del llatín habitaculum-d'habito habeo; indoeuropéu ghabh, dar, recibir. D'antiguo dicíase bitácula > bitácora

Dos cuadernos distintos pa los merguyadores.

D'antiguo, cuando los buques escarecíen de ponte de mandu cubiertu, había'l vezu de guardar esti cuadernu nel interior de la bitácora pa llibralu de les inclemencies. Ye un llibru nel que nos rellata la vida o la esperiencia de dalguna persona n'especial. Tamién sirve nel desenvolvimientu d'un viaxe pa escribir nella.

Les bitácores evolucionaron y esisten delles clasificaciones según variaos recursos pa ellaborales. Asina, atopamos les bitácores electróniques o de rede, tamién conocíes como weblogs, les bitácores visuales, les de soníu y les tradicionales «imprentaes» (que pueden incluyir descripciones escrites, dibuxos y signos). Nes bitácores de rede atopamos delles particularidaes. Por casu, cualquiera pue ser editor ya informar y opinar tocante a cualquier tema, ensin depender más que del tiempu que se precisa pa ellaborar y publicar la noticia n'Internet. Esto supon mayores oportunidaes de collaboración anque tamién rique una cierta conocencia del manexu de la teunoloxía. Como conclusión podemos dicir que los diarios de campu o bitácores d'investigación pueden vese como agregadores de los distintos ingredientes d'un proyectu d'investigación, lo qu'incluye, esperiencies previes, observaciones, llectures, idees y recursos pa entender la vinculación de los distintos elementos ente ellos.

Enllaces esternos[editar | editar la fonte]