Cristine Rose

Cristine Rose
Vida
Nacimientu	Lynwood, 31 de xineru de 1951 (73 años)
Nacionalidá	Estaos Xuníos
Estudios
Estudios	Universidá Stanford
Oficiu	actriz de televisión, actriz de cine, actriz de teatru, actriz
IMDb	nm0004284

Cristine Rose na Comic-Con 2008.

Cristine Sue Rose (31 de xineru de 1951, Lynwood) ye una actriz d'Estaos Xuníos.

Biografía

Graduóse en 1974 pola Universidá de Stanford y fixo'l so debú televisivu tres años dempués, nel telefilme The Trial of Lee Harvey Oswald, onde interpretó a la esposa del presidente d'Estaos Xuníos John F. Kennedy, Jacqueline.

Nos años ochenta alternó los sos papeles en películes con delles apaiciones en series de televisión como Kate & Allie, Spenser: For Hire, Matlock o My Sister Sam. En 1987 participó na comedia Ishtar, con Dustin Hoffman y Warren Beatty. De 1990 a 1991 y mientres trece episodios, formó parte del repartu de la serie Ferris Bueller, onde interpretó a Barbara Bueller. En 2006 participó nel episodiu piloto de la serie Heroes y siguiría faciendo apaiciones como estrella convidada mientres la primera y segunda temporada, hasta pasar a formar parte del repartu principal na tercera. Amás participó en dellos episodios de How I Met Your Mother interpretando'l papel de la madre de Ted Mosby. Tamién actuó en dellos capítulos de la novena y décima temporada de la serie televisiva Friends como la madre de Mike (Paul Rudd), el noviu de Phoebe (Lisa Kudrow).

Enllaces esternos

• Cristine Rose na Internet Movie Database (n'inglés)

• Datos: Q238425
• Multimedia: Cristine Rose