Cristina Galbó

De Wikipedia
Cristina Galbó
Vida
Nacimientu Madrid[1]17 de xineru de 1950[2] (74 años)
Nacionalidá España
Familia
Casada con Peter Lee Lawrence (1969 – 1974)
Estudios
Llingües falaes castellanu
Oficiu actriz de cine
Premios
IMDb nm0301785
Cambiar los datos en Wikidata

Cristina Galbó (17 de xineru de 1950Madrid) ye una actriz española.

Biografía[editar | editar la fonte]

Debuta nel cine, siendo una neña, cola película L'hincha (1958). Dempués, con tan solo trece años, la película Del rosa al amarillo (1963), de Manuel Summers apúrre-y una enorme popularidá. Nos siguientes años realiza una serie de películes nes que repite un arquetipu de personaxe adolescente, pasional pero inocente.

En 1967 participó nel rodaxe del spaghetti western La roxura de Johnny Kidd xunto col actor xermanu Peter Lee Lawrence, col que s'acabaría casando dos años dempués. D'esta unión nacería un fíu.

Darréu intervendría en delles películes del xéneru de terror, tantu n'España como n'Italia, como La residencia (1969), de Narciso Ibáñez Serrador, Cosa avete fatto a Solange? (1972), de Massimo Dallamano o Nun profanar el suañu de los muertos (1974), de Jorge Grau.

Dende finales de los años setenta amenorgó la so presencia na escena, hasta'l so retiru definitivu a finales de la década de los ochenta. Realiza dalguna incursión nel teatru, como Drácula (1978) o como la obra Salvái a los delfines (1979), de Santiago Moncada, con Amparo Rivelles y rueda la so última película Suéltate'l pelo en 1988, de nuevu con Manuel Summers, y xunto a los Hombres G.

Dende la so retirada del cine dedicóse al baille flamencu en California, tanto como intérprete como como profesora.

Filmografía[editar | editar la fonte]

Referencies[editar | editar la fonte]

  1. Afirmao en: Gemeinsame Normdatei. Data de consulta: 26 xunu 2015. Llingua de la obra o nome: alemán. Autor: Biblioteca Nacional d'Alemaña.
  2. Afirmao en: Gemeinsame Normdatei. Identificador GND: 1061661881. Data de consulta: 17 ochobre 2015. Llingua de la obra o nome: alemán. Autor: Biblioteca Nacional d'Alemaña.

Enllaces esternos[editar | editar la fonte]