Corvus moneduloides

De Wikipedia

Les especies d'aves con nome común en llingua asturiana márquense como NOA. En casu contrariu, conséñase'l nome científicu.

Corvus moneduloides
Estáu de caltenimientu
Preocupación menor (LC)
Esmolición menor (IUCN)[1]
Clasificación científica
Reinu: Animalia
Filu: Chordata
Clas: Aves
Orde: Passeriformes
Familia: Corvidae
Xéneru: Corvus
Especie: C. moneduloides
Lesson, 1830
Consultes
[editar datos en Wikidata]

Corvus moneduloides ye una especie d'ave de la familia de los córvidos (Corvidae) y miembru del xéneru Corvus.

Ye endémicu de Nueva Caledonia y foi introducida nes islles de la Llealtá. Habita nos montes anque-y la puede ver en zones más abiertes.[2]

Ye omnívoru y davezu aliméntase en pareyes o en pequeños grupos familiares, pero viéronse bandaes d'hasta 30 individuos. Los sos métodos p'aprovise de comida son únicos ente les aves y atópense solo nel home y dalgunos de los sos parientes cercanos. Ye capaz de crear y modificar pequeñes ferramientes qu'usa pa estrayer el so alimentu de furacos y resquiebros.[3]

Usu y Fabricación de Ferramientes[editar | editar la fonte]

Nel so hábitat natural, estos cuervos crean ferramientes a partir de cañes y tarmos, qu'utilicen p'algamar inseutos y canesbes escondíos en pequeños furacos.[4] Tamién demostraron la capacidá de fabricar gabitos a partir de maleza, lleña, vide y felechos.[4][5] Esta ye la única especie onde se reparó la fabricación de gabitos amás d'en el ser humanu.

El Cuervu de Nueva Caledonia ye la única especie non-primate onde se repara un desenvolvimientu cultural tocantes a la fabricación de ferramientes. Esto quier dicir que la especie añade innovaciones a ferramientes esistentes y comparte la conocencia con otros grupos culturales, tal que reparó Gavin R. Hunt y los sos collaboradores na Universidá d'Auckland.[6][5]

Esta especie de cuervu tamién ye capaz de crear ferramientes a partir de materiales que nun esisten na naturaleza y colos que nun tuvo contautu en tola so vida. Tal que demostraron los cuervos “Betty” y “Abel” de la Universidá d'Oxford, qu'utilizaron bonalmente alambre pa crear pinchos y gabitos colos qu'algamar premios en forma de comida. La única otra especie que demostró esta habilidá pa utilizar materiales artificiales ye l'humanu, y chimpancés sometíos a esperimentos similares demostraron grandes dificultaes pa superar les pruebes.[7][8]

La interacción con actividá humana tamién foi documentada. Los cuervos dexaron nueces en carreteres con abondosu tráficu y esperaron a que los coches pasaren percima pa romper el duru pulgu.[9]

Anque otros animales, como los primates, amosaron la capacidá d'utilizar ferramientes p'algamar comida, esperimentos recién demuestren que los cuervos de Nueva Caledonia tamién son capaces d'utilizar ferramientes non yá pa llograr comida, sinón pa consiguir ferramientes más eficientes, andando a la tema coles meyores execuciones vistes en primates.[10][11][12]

Nun esperimentu creáu pola Universidá d'Auckland, al cuervu presentábase-y un pequeñu palu y una caxa que contenía comida la cual yera inalcanzable con dicha ferramienta. Otra caxa de cristal con un mecanismu de seguridá, contenía un palu más llargu fayadizu p'algamar la comida. El cuervu utilizó'l palu de pequeñu tamañu pa desactivar un mecanismu y consiguir el palu más llargu, col que pudo algamar la comida. Esti complexu comportamientu que demuestra la capacidá pa entender que les ferramientes sirven pa llograr ferramientes más eficientes y non yá comida, ye desaxeradamente inusual y namái foi reparáu en dellos primates.

Otres investigaciones demuestren que los cuervos utilicen distintes ferramientes pa esaminar oxetos potencialmente peligrosos ensin tocalos.[13]

L'usu d'Espeyos Dalgunos cuervos en cautividá demostraron la capacidá d'utilizar espeyos pa reparar oxetos que s'atopaben fora del so campu de visión normal. Los páxaros nun paecieron reconocese nel espeyu la primer vegada, pero sí darréu. Ye posible qu'esto se deba a que yera la primer vegada nes sos vides que s'atopaben con un espeyu.[14]

Referencies[editar | editar la fonte]

  1. ↑ BirdLife International (2009). «Corvus moneduloides» (inglés). Llista Roxa d'especies amenazaes de la UICN 2024. Consultáu'l 4 d'agostu de 2011.
  2. ↑ BirdLife International. «Species factsheet: Corvus moneduloides» (inglés). Consultáu'l 13 d'abril de 2009.
  3. ↑ Hunt, G.R. and Gray, R.D. (2004). «Direct observations of pandanus-tool manufacture and use by a New Caledonian crow (Corvus moneduloides).». Animal Cognition 7:  páxs. 114–120. doi:10.1007/s10071-003-0200-0. http://language.psy.auckland.ac.nz/crows/files/stepped-tool-man_AC.pdf. Consultáu'l 13 d'abril de 2009. 
  4. ↑ 4,0 4,1 «Manufacture and use of hook-tools by New Caledonian crows». Nature 379 (6562):  páxs. 249–251. January 1996. doi:10.1038/379249a0. http://www.nature.com/nature/journal/v379/n6562/abs/379249a0.html. 
  5. ↑ 5,0 5,1 Error de cita: La etiqueta <ref> nun ye válida; nun se conseñó testu pa les referencies nomaes HuntGray2004
  6. ↑ Crows Better at Tool Building Than Chimps, Study Says. National Geographic News. 23 d'abril de 2003. http://news.nationalgeographic.com/news/2003/04/0423_030423_crowtools.html. Consultáu'l 3 de mayu de 2007. 
  7. ↑ Crow Makes Wire Hook to Get Food. National Geographic News. 8 d'agostu de 2002. http://news.nationalgeographic.com/news/2002/08/0808_020808_crow.html. Consultáu'l 3 de mayu de 2007. 
  8. ↑ «Shaping of hooks in New Caledonian crows». Science 297 (5583):  páxs. 981. 2002. doi:10.1126/science.1073433. PMID 12169726. http://www.sciencemag.org/cgi/content/full/297/5583/981?ijkey=2kJDaHqe6c11A&keytype=ref&siteid=sci. 
  9. ↑ Red Light Runners BBC Nature
  10. ↑ «Spontaneous Metatool Use by New Caledonian Crows». Current Biology 17 (In Press):  páxs. 1504–7. 2007. doi:10.1016/j.cub.2007.07.057. PMID 17702575. http://www.current-biology.com/content/article/fulltext?uid=PIIS0960982207017708. 
  11. ↑ Crows match great apes in skilful tool use. London: The Guardian. 17 d'agostu de 2007. http://www.guardian.co.uk/science/2007/aug/17/1. Consultáu'l 17 d'agostu de 2007. 
  12. ↑ Cleverest crows opt for two tools. BBC News. 16 d'agostu de 2006. http://news.bbc.co.uk/1/hi/sci/tech/6948446.stm. Consultáu'l 17 d'agostu de 2007. 
  13. ↑ «Curious crows esquice with tools». BBC News. 14 de xineru de 2011. http://news.bbc.co.uk/earth/hi/earth_news/newsid_9353000/9353588.stm. 
  14. ↑ Crows use mirrors to find food. BBC Nature. 20 de setiembre de 2011. https://www.bbc.co.uk/nature/14897544. Consultáu'l 19 de mayu de 2012. 

Enllaces esternos[editar | editar la fonte]

Sacáu de «https://ast.wikipedia.org/w/index.php?title=Corvus_moneduloides&oldid=4160648»