Coru San Andrés "Sergio Domingo"

De Wikipedia
Saltar a: navegación, buscar
Coru San Andrés "Sergio Domingo"

El Coru San Andrés "Sergio Domingo" ye un coru de voces masculines creáu en 1974 en Samartín del Rei Aurelio (Asturies).

Historia[editar | editar la fonte]

Nel añu 1974 Arsenio Fernández y Guillermo García dan llugar al Ochote San Andrés, que va ser l'embrión del futuru Coru San Andrés, formáu poles siguientes persones:

  • Tenores 1ª: Guilermo García y José Manuel Casal
  • Barítonos: José Manuel Matilla y Avelino Mallo
  • Tenores 2ª: Arsenio Fernández y Julio Baragaño
  • Baxos: Jorge Torre y Manuel Sanzo

Félix Ordiz Montañes faise cargu del ochote, qu'a partir de 1975 va ampliar el so númberu de voces pa convertise en coru.

Nel añu 1976, a traviés d'Arsenio Fernández Pérez "El Polenchu", establecen una rellación d'amistá con Sergio Domingo, y ésti entama a supervisar los ensayos del coru hasta consiguir un sellu personal na interpretación. Sergio Domingo muerre en 1977, el mesmu día que'l Coru San Andrés-y ufiertaba un homenaxe, que dempués foi póstumu. Ye a partir d'entós cuando'l coru añade al so nome'l del reconocíu maestru, pasando a llamase Coru San Andrés "Sergio Domingo" Esi mesmu añu'l Centru Asturianu de Madrid reconoz el so llabor y concede-y l'Urogallo de bronce, máxima distinción nel apartáu de Coros qu'otorga'l mentáu centru.

En 1995 toma'l relevu na dirección Santiago Novoa Marchena, que-y da un sellu especial, creando un repertoriu variáu que toma como base pieces de polifonía asturiana, sacres y obres estranxeres.

Dende l'añu 1997 entama añalmente los Encuentros con la Música en L'Entregu, onde participen coros nacionales ya internacionales d'especial relevancia, asina como grupos de cámara y orquestes de los conservatorios asturianos.

A partir de payares de 2011, el nuevu direutor pasa a ser Marcos Torre Laviana.

Componentes[editar | editar la fonte]

  • Direutor: Marcos Torre Laviana
  • Xunta direutiva:
    • Jesús Montes Sanzo
    • Pablo García Rozada
    • Faustino Fernández Antuña
    • Cesar García Orviz
    • Jesús Manuel Miranda Ledo
    • Juan Carlos Rodríguez Prieto
  • Tenores primeros:
    • José Manuel Robledo Rabanal
    • Antonio Alarcón Fonseca
    • Paulino Valdés Gutiérrez
    • José María Fernández Ordiz
    • Julio Rodríguez Riestra
    • Juan Argüelles Calleja
  • Tenores segundos:
    • Juan Carlos Suárez Núñez
    • Manuel González Cerro
    • Daniel Olegario Álvarez Zapico
    • Juan José Vallina González
    • Tomás Suárez Fombona
    • Ramón López González
  • Barítonos:
    • Avelino Amez Fraganillo
    • Moisés García García
    • Germán Hevia Hevia
    • Severino Cadenas Llanes
    • José Luis Roces Fernández
    • Juan Manuel Fernández Quero
  • Baxos:
    • Nicanor García-Riaño Suárez
    • Benito Torres Rodríguez
    • Arsenio Fernández-Nespral Fernández

Actuaciones[editar | editar la fonte]

El Coru San Andrés "Sergio Domingo" tien presentáu'l so repertoriu en munchos llugares d'Asturies y en casi tola xeografía española.

Fuera de les nuestres fronteres tienen actuao en Lieja, Vervieres y Bruxeles (Bélxica), en Vilnius y Panevezys (Lituania), Santa María da Feria (Portugal) y en Locronan, en Loctudy y Plobannalec- Bretaña (Francia) y en Peyrehorade- Pays D'Orthe (Francia)

Nel añu 1970 algamaron un gran ésitu por parte de la crítica especializada pola so participación na Temporada d'Ópera d'Uviéu, interpretando los coros de "El barbero de Sevilla" de Rossini.

Grabaciones[editar | editar la fonte]

Tien grabaos dos discos de llarga duración:

El primeru inclúi La Duite Gijón, de Sergio Domingo (añu 1979)

El segundu inclúi 12 canciones asturianes d'estremaos autores y lleva por títulu Viva Asturias (añu 1982)

D'esti últimu discu hai dos canciones que'apaecen incluyíes pol periódicu La Voz de Asturias na so escoyeta "Lo mejor de Asturias, Canciones", que recibió nel añu 1993 el discu de platín al superar les 120.000 unidaes.

Nel añu 2000 presentóse una grabación titulada "Coro San Andrés" na que se combinen canciones de polifonía asturiana con temes comerciales adautaos a coru, toos ellos instrumentaos.

Tamién hai que señalar la so collaboración nel discu "Habaneras", nel CD de la Cuarta Muestra de Música Coral "Camino de Santiago" y nes grabaciones "Agua de Mar" y "Algo de Brasil" de Vaudí.

Nel añu 2000 presenta'l so nuevu trabayu discográficu tituláu “Coro San Andrés”, baxo'l sellu Fonoastur, nel que se combinen canciones de polifonía asturiana con temes comerciales adautaos a coru, toos ellos instrumentaos, lo que supón una importante anovación dientro del panorama coral.

Referencies[editar | editar la fonte]

Enllaces esternos[editar | editar la fonte]