Cortexu
| Cortexu | ||||
|---|---|---|---|---|
ceremonia, Ritual, Rellación interpersonal y zona muerta (es)  | ||||
|
rol social (es) , comportamiento social (es) y procesión (es) | ||||
| ||||
 | ||||
El cortexu ye la seleición y atraición[1] d'una persona a otra col fin d'afitar una rellación íntima, que suel implicar amor, sexu, compromisu, cohabitación, matrimoniu o reproducción.
El cortexu sexual ye lleváu a cabu por munches especies animales; tamién inclúi al home, y la so durabilidá ye bien variada ente les mesmes.
Tradiciones rellacionaes col cortexu[editar | editar la fonte]
Ente que la cita suel ser daqué netamente ocasional na mayoría de les cultures occidentales, en munches sociedaes tradicionales, el cortexu ye una actividá estructurada con regles bien específiques y formales. En delles sociedaes, los padres o la comunidá escueyen potenciales compañeros pa los sos fíos o miembros de diches comunidaes respeutivamente. En Xapón, esiste un tipu de cortexu llamáu Omiai[2] con eses carauterístiques, nel que los padres paguen a un espertu p'ayudar a escoyer compañeros potenciales pa los sos fíos. Si la pareya aceuta, faise un alcuentru formal nel que l'espertu y frecuentemente los padres tán presentes. Dempués d'unos pocos alcuentros, la pareya tien de decidir si casase o non.
En delles cultures, el cortexu ye abolíu pola práutica del matrimoniu iguáu, nel que los compañeros pa les persones nueves son escoyíos típicamente polos sos padres.
Cites[editar | editar la fonte]
Nes sociedad occidentales, una cita[3] ye una ocasión na qu'unu socializa con un potencial amigu o maríu/a. Tamién podría definise como un alcuentru programáu ente dos persones con interés mutuu, nel que los dos individuos comuníquense y participen d'actividaes sociales fuera del horariu de les sos obligaciones cotidianes, tales como la escuela o'l trabayu. Nesti sen, el propósitu d'una cita ye conocese y decidir si quieren establecer una rellación de novialgu.
Mientres les cites, les persones esquicen la personalidá del otru, p'afayar si son compatibles y si podríen sostener una rellación. Davezu, si los individuos afayen que la so compatibilidá ye probe o baxa, la rellación fina. La información sobre la otra persona que se busca más de cutiu inclúi actitúes; abicañu ya integridá; etapa de crecedera personal; mires; oríxenes familiares, culturales y sociales; edá; vezos; intereses; maduror; filosofía personal; preferencies y prioridaes; opiniones polítiques y relixoses; opiniones sobre'l sexu, el matrimoniu y los fíos; maneres de comunicase; y situación financiera.
Polo xeneral, nuna cita les persones traten d'amosar les sos meyores cualidaes, tener un bon comportamientu y faer cualquier cosa que crean curiosa pal otru individuu.