Corry Brokken

Corry Brokken
Vida
Nacimientu	Breda, 3 d'avientu de 1932
Nacionalidá	Reinu de los Países Baxos
Muerte	Laren, 31 de mayu de 2016 (83 años)
Familia
Casada con	Cees See René Sleeswijk sr.
Oficiu	actriz, cantante, presentadora de televisión, llocutora radiofónica, xueza, abogada, presentadora, autobiógrafa
Participante Festival de la Canción de Eurovisión 1956 (es) Festival de la Canción de Eurovisión 1957 (es) Festival de la Canción de Eurovisión 1958 (es)
Premios	ver Gouden Harp First prize of the Eurovision Song Contest
Xéneru artísticu	chanson Jazz
Instrumentu musical	voz
Discográfica	Philips
IMDb	nm0111245

Corry Brokken (3 d'avientu de 1932, Breda – 31 de mayu de 2016, Laren) foi una cantante y presentadora de televisión y radio neerlandesa. En 1963 y 1995 foi gallardoniada con un premiu Edison (l'equivalente holandés de los premios Grammy).

En 1952 debutó na radio holandesa col cantar «I Apologize». Dos años más tarde, publicó'l so primer álbum y en 1956, foi la segunda representante del so país nel Festival del Cantar d'Eurovisión. El so cantar «Voorgoed Voorbij» («Acabar pa siempres») nun se fixo cola victoria, y la so posición final desconozse, yá que namái foi anunciada'l cantar ganador.

Un añu más tarde, ganó'l Festival del Cantar d'Eurovisión 1957 cola tema «Net als toen» («Tal como entós») compuestu por Willy van Hemert. La so última participación foi en 1958 col cantar «Heel de Wereld» («Tol mundu»), consiguiendo la novena y última posición empatando con Luxemburgu.

Con una versión de «Milord», tema tamién interpretada pola cantante francesa Édith Piaf, consiguió algamar el númberu 1 de la llista d'ésitos nos Países Baxos en 1960. La lletra del cantar, sobre una prostituta, supunxo un escándalu pa la sociedá conservadora del país.

Ente 1961 y 1972 desenvolvió la so carrera como presentadora na televisión nacional. En 1971 publicó'l so últimu álbum, producíu por Willem Duys.

Tres la victoria de Teach In, foi la encargada de presentar el Festival del Cantar d'Eurovisión 1976. Nesi mesmu añu, empezó los sos estudios de Derechu, pa establecese darréu como abogada en 1988 en L'Haya.

En 1996 volvió a la esfera musical, publicando dellos discos con posterioridá, y en 1997 foi la encargada d'anunciar los votos del televoto de los Países Baxos n'Eurovisión.

Dempués del so 70 cumpleaños, Corry escribió dellos llibros de memories, actuó en teatru, y editó un DVD.

Nel añu 2008, Corry Brokken sufrió un derrame cerebral, del que pudo recuperase.

Nel añu 2009, la cantante publicó otru llibru autobiográficu llamáu Encore onde cuenta como foi la so vida na primer década del nuevu mileniu.

Senciellos

• (1956) «Voorgoed voorbij»
• (1957) «Net als toen»
• (1958) «Heel de wereld»

Filmografía

• Jenny (1958)
• Redt een kind (1959)
• Uit met Maurice Dean (1968)

Ver tamién

• Festival del Cantar d'Eurovisión 1956
• Festival del Cantar d'Eurovisión 1957
• Festival del Cantar d'Eurovisión 1958

Enllaces esternos

• Lletra de «Voorgoed voorbij» (neerlandés ya inglés).
• Lletra de Net als toen (neerlandés ya inglés).
• Lletra de «Heel de Wereld» (neerlandés ya inglés).
• Páxina de Corry Brokken en IMDb

Predecesor: Lys Assia	Ganadores del Festival del Cantar d'Eurovisión 1957	Socesor: André Claveau
Predecesor: Primer apaición	Países Baxos nel Festival d'Eurovisión 1956 (y Jetty Paerl con «De vogels van Holland»)	Socesor: Corry Brokken con «Net als toen»
Predecesor: Corry Brokken con «Voorgoed voorbij» (y Jetty Paerl con «De vogels van Holland»)	Países Baxos nel Festival d'Eurovisión 1957	Socesor: Corry Brokken con «Heel de Wereld»
Predecesor: Corry Brokken con «Net als toen»	Países Baxos nel Festival d'Eurovisión 1958	Socesor: Teddy Scholten con «Een beetje»

• Datos: Q159475
• Multimedia: Corry Brokken