Copa Cantábrica de Liriu
 | Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Copa Cantábrica de Liriu | |
|---|---|
| Xeneral | |
| Deporte | liriu |
| Competición | |
 | |
La Copa Cantábrica de Liriu/Billarda ye un tornéu disputáu ente la seleición de liriu d'Asturies y la de billarda de Galicia (nomada A Auténtica), que se vien disputando dende l'añu 2007 en tierres de Castrillón.
Liriu y billarda son dos xuegos tradicionales que comparten la mesma aición motriz. El liriu ye propiu d'Asturies y dende l'añu 2009 ta supervisáu pol Conceyu Nacional de Liriu, qu'organiza eventos competitivos y d'espardimientu. La billarda (nome que tamién recibe'l liriu na zona eo-naviega) tien una mayor tradición competitiva alrodiu de la Liga Nacional de Billarda.
Les dos primeres ediciones de la Copa Cantábrica de Liriu disputáronse baxo la normativa gallega, pero dende l'añu 2009 la modalidá de xuegu ye la del liriu a encastrar reglamentada pol CNL.
El troféu de la Copa Cantábrica queda en propiedá de la seleición que venza cinco veces na competición o trés de secute. De momentu, Galicia venció en trés ocasiones por una d'Asturies.
L'alcuentru competitivu tien averáu un tornéu abiertu posterior a la xinta d'hermandá, l' Abiertu del LLacón Internacionalista, disputáu cola normativa LNB.
I Copa Cantábrica[editar | editar la fonte]
Asturies 1 – Galicia 2[1]
Pista Polideportiva de Piarnu, Castrillón.
Domingu 4 de payares de 2007.
Normativa LNB.
Disputóse al meyor de trés rondes de cinco carreres caúna, les dos primeres, al mesmu tiempu. Acaben con empate y corrióse una última ronda, que se decidió nel últimu güelpe a favor de Galicia.
II Copa Cantábrica[editar | editar la fonte]
Asturies 1 – Galicia 2.[2]
Pista Polideportiva de Piarnu, Castrillón.
Domingu 26 d'ochobre de 2008.
Normativa LNB.
Disputóse al meyor de trés rondes, de cinco carreres caúna. Les dos primeres rondes corriéronse al mesmu tiempu. La tercera terminó pola vía rápida con trés varados (algamar la meta d'un solu güelpe) consecutivos d'A Auténtica.
III Copa Cantábrica[editar | editar la fonte]
Asturies 31 – Galiza 25 [3]
Pista Polideportiva de Piedrasblancas, Castrillón.
Domingu 8 de payares de 2009.
Normativa CNL.
Disputóse al meyor de 64 carreres, con un machorrador de cada seleición caúna. Los empareyamientos ficiéronse a ciegues, anotando cada seleición el so llistáu de xugadores enantes del comienzu de la partida. Puntuaba la victoria con 1 puntu; l'empate y la derrota nun puntuaba.
IV Copa Cantábrica[editar | editar la fonte]
Asturies 17 – Galiza 34 [4]
Pista Polideportiva de Piedrasblancas, Castrillón.
Sábadu 30 d'ochobre de 2010.
Normativa CNL.
Disputóse al meyor de 60carreres, con un machorrador de cada seleición caúna. Los empareyamientos ficiéronse a ciegues, anotando cada seleición el so llistáu de xugadores enantes del comienzu de la partida. Puntuaba la victoria con 1 puntu; l'empate y la derrota nun puntuaba. Les seleiciones taben formaes por 15 xugadores caúna:
ASTURIES: Xosín y Abel (Camaretá); Toño, Dani y Lilian (Sidrones); Pepa, Xuacu y Sergio (Espor[a]); Hevia y Pravia (Quirinal); y Javier, Falo, Marisa, Enrique y Martínez (Asturliriu).
GALIZA: Daniel, Franco y Julio (Billardeiros Musicais); Reyes, Geni, Guille, Isa y Ana (Os Outros); Luis (Bateas de Porto Novo); Suso y Martiño (Remorulle Bulls); Xermán y Flores (Equipa Bíteres); y los independientes Michelle y Joaquín.
Referencies[editar | editar la fonte]
Enllaces esternos[editar | editar la fonte]
Wikimedia Commons tien conteníu multimedia tocante a Copa Cantábrica de Liriu.
| Control d'autoridaes |
|
|---|
Datos: Q13146949