Consuelo Bautista

De Wikipedia
Consuelo Bautista
Vida
Nacimientu Bogotá1957[1] (66/67 años)
Nacionalidá colombiana
Residencia Barcelona
Estudios
Estudios Universidá Nacional de Colombia
Llingües falaes castellanu
catalán
Oficiu fotógrafa
consuelobautista.com
Cambiar los datos en Wikidata

Consuelo Bautista Riveros (1957Bogotá) ye una fotógrafa colombiana afincada n'España, con residencia en Barcelona.[2] Trabaya de manera independiente, pero ye collaboradora habitual d'importantes medios como'l diariu El País,[3] amás de trabayar tamién pa otros diarios igualmente importantes como La Vanguardia o El Periódico de Catalunya.

Biografía[editar | editar la fonte]

Consuelo Bautista estudió publicidá nel so país natal (Colombia), na Universidá de Bogotá, pero la so vida profesional centróse na fotografía documental.

Nesti sentíu, desenvolvió proyeutos n'América (Cuba, Arxentina, Brasil, Méxicu y Colombia), per onde viaxó mientres años; n'Europa (Montenegru, Israel) y en numberosos llugares d'España: Asturies, Galicia y Barcelona, ente otros.

Amás de collaborar con importantes medios como los diarios La Vanguardia, El Periódico de Catalunya, o El País, trabayó pa importantes empreses, como Gas Natural.

Consuelo tamién impartió clases en distintes instituciones universitaries, como la Universidá Autónoma de Barcelona, la Universidá de los Andes de Bogotá, la Escuela d'Arte d'Uviéu, la Politéunica de Cataluña o la Universidá de Fotografía de Terrassa, siendo participante habitual n'ensame de meses redondes y alcuentros fotográficos d'España y Llatinoamérica. Por casu, participó en PhotoEspaña 2002 cola proyeición Colombianos.

Per otru llau, tamién ye unu de los miembros fundadores del Centru de Fotografía Documental de Barcelona (LafotoBCN).[4]

Proyeutos (selección)[editar | editar la fonte]

Ente los numberosos proyeutos que desenvolvió, podemos destacar los siguientes:

  • 2012. "Raval", encargáu pol Archivu fotográficu de Barcelona.[5]
  • 2012. "Muertitos". Trabayu desenvueltu mientres siete años en distintos estaos de Méxicu mientres la celebración de la so Festividá de Muertos',[6][7]
  • 2007. "Los invisibles". Sobre los inmigrantes que lleguen a Europa arriesgando les sos vides per mar.
  • 1998. "Cuba, Cuba y Cuba".[8]

Premios[editar | editar la fonte]

  • 2007. A los invisibles.[9] Premiu Artes plástiques Ciudá de Barcelona.[10]
  • 1993. Serie fotografies sobre skin heads. Instantánees. FotoPres. Segundu Premiu *1991.

Rescate nel Valle d'Hebron. Instantánees. FotoPres. Tercer Premiu *1990. Perru volador. Instantánees. FotoPres úniques.[11]

Esposiciones individuales (selección)[editar | editar la fonte]

Referencies[editar | editar la fonte]

Enllaces esternos[editar | editar la fonte]