Conseyu de les Llingües Oficiales na Alministración Xeneral del Estáu

De Wikipedia
Saltar a navegación Saltar a la gueta
Conseyu de les Llingües Oficiales na Alministración Xeneral del Estáu
Información xeneral
Tipu Órganu colexáu interministerial
Fundación 2007
Estáu España
Organización
Presidente Ignacio Sánchez Amor  (Secretariu d'Estáu de Política Territorial)
Sitiu web
[editar datos en Wikidata]

El Conseyu de les Llingües Oficiales na Alministración Xeneral del Estáu ye l'órganu colexáu d'analís, impulsu y coordinación téunica ente los distintos Departamentos de l'Alministración Xeneral del Estáu en rellación col usu de les llingües oficiales de les comunidaes autónomes, coles mires de llograr el meyor cumplimientu de les esixencies derivaes de la esistencia de distintes llingües oficiales y de la so reconocencia na actividá de los departamentos que lu integren y de los Organismos Públicos dependientes o venceyaos a ella, pa procurar una meyor atención a los derechos de los ciudadanos.

El Conseyu ye reguláu pol Real Decreto 905/2007, de 6 de xunetu.[1]

Funciones[editar | editar la fonte]

  • Analizar les actuaciones de los distintos departamentos ministeriales de l'Alministración Xeneral del Estáu, y de los organismos públicos adscritos o dependientes d'ellos, en rellación col usu de les llingües oficiales de les Comunidaes Autónomes en garantía del derechu d'usu d'aquélles per parte de los ciudadanos.
  • Proponer direutrices y criterios de calter xeneral que faciliten la coordinación de los órganos de l'Alministración Xeneral del Estáu en materia d'usu de les llingües oficiales.
  • Informar y someter a l'aprobación del Gobierno, al traviés del Ministru de la Presidencia y pa les Alministraciones Territoriales, les propuestes, les midíes organizativas y los planes d'actuación o los oxetivos a cumplir, tantu de forma xeneral pola Alministración Xeneral del Estáu y los Organismos Públicos venceyaos o dependientes d'ella, como en cada unu de los ámbitos específicos d'actuación d'éstos en rellación cola reconocencia y usu de les llingües oficiales, pudiendo, nel so casu, establecer oxetivos parciales, de calter progresivu, cuando les dificultaes oxetives pal so cumplimientu plenu y direutu asina lu aconseyen, a xuiciu del Conseyu.
  • Proponer les llinies d'actuación a desenvolver y los oxetivos a algamar polos distintos Departamentos ministeriales y otros Organismos Públicos venceyaos o dependientes d'ellos en rellación col usu de les llingües oficiales.
  • Informar les propuestes en materia de llingües oficiales que sían tramitaes al traviés de cualesquier de los Departamentos ministeriales.
  • Promover l'espardimientu na sociedá española de los valores del plurillingüismu y reforzar la implantación de midíes que coadyuven a tal fin.[2]

Composición[editar | editar la fonte]

El Conseyu de les Llingües Oficiales ta presidíu pol titular de la Secretaría d'Estáu pa les Alministraciones Territoriales.

Desempeña la Vicepresidencia'l titular de la Direición Xeneral de Rellaciones coles Comunidaes Autónomes y Entes Locales, de la Secretaría d'Estáu pa les Alministraciones Territoriales.

El Conseyu ta integráu, amás, por un representante, con rangu de Direutor Xeneral, de cada unu de los Departamentos ministeriales.

La Secretaría del Conseyu de les Llingües Oficiales ye exercida pol titular de la Oficina pa les Llingües Oficiales. El Secretariu va asistir a les xuntes del Conseyu con voz, pero ensin votu.[3]

Oficina pa les Llingües Oficiales[editar | editar la fonte]

Nel mesmu Real Decretu 905/2007, nel so artículu 8, créase la Oficina pa les Llingües Oficiales, como unidá permanente d'asistencia y sofitu del Conseyu de les Llingües Oficiales.

Funciones de la Oficina[editar | editar la fonte]

  • Emprestar asesoramientu al Conseyu de les Llingües Oficiales na Alministración Xeneral del Estáu y realizar les xeres que con esi envís-y sían encamentaes.
  • Ellaborar estudios ya informes téunicos de diagnósticu sobre l'usu de les llingües oficiales na Alministración Xeneral del Estáu y los sos organismos públicos, por mesma iniciativa o cuando-y sían solicitaos.
  • Actuar como órganu permanente de recoyida, analís ya intercambiu de la información cuantitativo y cualitativo disponible en distintes fontes nacionales ya internacionales en materia d'usu de les llingües oficiales.
  • Realizar el siguimientu añal avera del grau de cumplimientu del usu de les llingües oficiales per parte de l'Alministración Xeneral del Estáu y los sos organismos públicos.
  • Promover, espublizar y distribuyir les investigaciones, encuestes, estudios y publicaciones rellacionaes coles llingües oficiales.
  • Impulsar el desenvolvimientu de llabores de traducción ya interpretación pa llograr los oxetivos propuestos, cola posibilidá de proponer convenios coles comunidaes autónomes con más d'una llingua oficial.[4]

Ver tamién[editar | editar la fonte]

Referencies[editar | editar la fonte]


Consejo de las Lenguas Oficiales en la Administración General del Estado