Conseyu Nórdicu

Conseyu Nórdicu
organización internacional, entidá política d'un territoriu, supranacionalidad (es) y Confederación
Llocalización
Sede	Copenḥague
Historia
Fundación	16 marzu 1952
Participación empresarial
Formáu por	Nordic Council Secretariat (en) Nordic Council Presidium (en) Nordic Council National Delegations (en)
Datos económicos
Emplegaos	300
Web oficial

El Conseyu Nórdicu (Nordiska rådet) o Conseyu Nórdicu de Ministros ye una organización interparlamentaria de cooperación ente los cinco países nórdicos: Islandia, Dinamarca, Suecia, Finlandia y Noruega, coles rexones autónomes de les Islles Feroe, Groenlandia y Åland.

Constitúyenlu 87 diputaos de los parllamentos nacionales d'estos países. Dinamarca, Noruega, Finlandia y Suecia cunten con vente miembros caún ya Islandia con siete. El Conseyu afitóse en 1952. Según l'Alcuerdu de Helsinki de 1962, esiste pa caltener y desenvolver la cooperación ente los estaos miembros n'asuntos xurídicos, culturales, sociales, financieros, de tresportes y de la proteición del mediu ambiente. Más tarde amestáronse-y asuntos de política esterior y de seguridá. Dende 1971 esiste tamién el Conseyu de Ministros Nórdicos, organización inter-gubernamental paralela al Conseyu Nórdicu.

Anguaño'l Conseyu Nórdicu foi opacáu pola Xunión Europea, yá que munches de les sos funciones coinciden. Anguaño ye más que nada un organismu de fomentu cultural.

Bandera del Conseyu Nórdicu

La bandera del Conseyu Nórdicu representa'l cisne blancu con ocho ales sobre un círculu azul qu'al mesmu tiempu s'atopa sobre un fondu blancu. La bandera adoptóse'n payares de 1984. El símbolu representa a los cinco países del Conseyu (Dinamarca, Finlandia, Islandia, Noruega y Suecia) más les rexones autónomes de les Islles Feroe, Groenlandia y Åland.

Idiomes del Conseyu Nórdicu

Mientres dalgunos años los idiomes oficiales del Conseyu Nórdicu fueron el danés, el suecu y el noruegu, por cuenta de la so facilidá d'intercomunicación y a que dalgún d'ellos yera oficial o cooficial en toles rexones nórdiques de fala xermana. Sicasí, la situación d'oficialidá varió llixeramente y incorporáronse tamién como llingües de trabayu'l finlandés y l'islandés y foi tomando fuercia l'usu del inglés como llingua franca y de trabayu nel Conseyu, moviendo al danés y suecu d'esta función que desempeñaren de manera histórica nel ámbitu nórdicu. El feroés ye la única llingua "mayoritaria" viva escandinava que nun tien nengún rangu d'oficialidá nel Conseyu Nórdicu.

Miembros

Miembros del Conseyu:

• Países:
  •   Dinamarca
  •  Finlandia
  •  Islandia
  • Noruega
  •  Suecia
• Rexones autónomes:
  •  Islles Åland ( Finlandia)
  •  Islles Feroe ( Dinamarca)
  •  Groenlandia ( Dinamarca)

Amás, los países bálticos d'Estonia, Letonia y Lituania espresaron el so deséu d'incorporase como miembros al Conseyu. Ésti abrió oficines d'información nos trés países en 1991.

Secretarios xenerales

Conseyu Nórdicu de Ministros : Fundación Presidente Secretariu Xeneral (Secretariáu)

1971 Cristina Husmark Pehrsson Halldór Ásgrímsson

• 1971–1973 Emil Vindsetmoe
• 1973–1977 Helge Seip
• 1977–1982 Gudmund Saxrud
• 1982–1987 Ilkka-Christian Björklund
• 1987–1989 Gehard af Schultén
• 1990–1994 Jostein Osnes
• 1994–1996 Anders Wenström
• 1996–1999 Berglind Asgeirsdóttir
• 1999–2007 Frida Nokken
• 2007–2013 Jan-Erik Enestam
• 2014–presente Britt Bohlin

Enllaces esternos

• Páxina oficial del Conseyu Nórdicu (n'inglés)

• Datos: Q146165
• Multimedia: Nordic Council