Consello d'a Fabla Aragonesa

De Wikipedia
Consello d'a Fabla Aragonesa, Uesca

El Consello d'a Fabla Aragonesa (C.F.A.) conocíu popularmente como "Consello", ye una asociación cultural nacida en 1976 y reconocida llegalmente en 1978. El so ámbitu territorial ye Aragón.

Los fines d'esta asociación son la esfensa, promoción y estudiu del aragonés en tolos sos aspeutos:

Hestoria, lliteratura, gramática, léxicu, toponimia, folklore, consideración social y llegal, pedagoxía, didáctica, amostranza, etc., parando especial cuenta nel estudiu, proteición y desenvolvimientu de toles sos variantes locales y comarcales, les cuales son el fundamentu del aragonés común o estándar.

El trabayu del Consello d'a Fabla Aragonesa tien trés prencipios:

1. Actitú respetuosa cola realidá trilingüe d'Aragón.

2. No adscripción coleutiva a una corriente política, sindical o relixosa.

3. Llibertá ideolóxica de les persones que lo formen. Ye, de fechu, una de les asociaciones de referencia alredor de la llingua aragonesa en tola sociedá aragonesa.

Dende la so creación, el Consello d'a Fabla Aragonesa trabaya en la dignificación del idioma aragonés, contribuyendo a crear un estáu d'opinión favorable alredor d'esta llingua minoritaria romanica y espublizando la so conocencia a traviés de publicaciones variaes, como les revistes Fuellas o Luenga e Fablas. Como editorial, baxo la direición de Francho Nagore, publicó un total de 135 llibros n'aragonés nos postreros 40 años.

Dende que se creó nel añu 2000 el Consello Asesor de l'Aragonés dientro del Consello d'a Fabla Aragonesa, toles decisiones que toma esti órganu espublícanse en Fuellas, pa que la xente les conoza.

Los órganos de gobierno del Consello d'a Fabla Aragonesa son l'Asambleya Cheneral de consellers y la Chunta Directiva, que la so composición y atribuciones apaecen regulaos nes Ordinacions d'o Consello.

L'actual presidente, dende 2004, ye Chusé Inazio Nabarro y dende avientu de 2014, vicepresidente Rafel Vidaller Tricas, secretariu xeneral, Daniel Lerín y tesoreru, Chorche Escartín. Los vocales son: vocal de publicaciones, Alberto Gracia Trell, vocal d'Estudios y Biblioteques, Amaya Gállego, vocal d'Organización y Comercialización, Tresa Estabén, vocal d'Amostranza, Ana Cris Vicén, vocal de Conseyeros d'Ayuda, Ángel Ramírez y vocal de Comunicación, Paz Ríos.

Referencies[editar | editar la fonte]

Enllaces esternos[editar | editar la fonte]