Condimentu

De Wikipedia
(Redirixío dende Condimento)
Saltar a: navegación, buscar
Sal, azucre y granos de pimienta negra molíos, frecuentes nes meses redondes de los restoranes occidentales

Un condimentu o arreglu ye un ingrediente o amiestu añedíu a la comida pa da-y un sabor especial o complementala. De cutiu fuertes de sabor y por tantu incluyíos en pequenes cantidaes, son condimentos populares (n'Occidente) la sal, la pimienta, el kétchup, la mostaza, la mayonesa, el aceite d'oliva, el vinagre y el azucre.

Característiques[editar | editar la fonte]

Según una direutiva de la Xunión Europea, considérense condimentos: el sal destináu al consumu humanu, la mostaza, les especias y les sos estractos arumosos, les yerbes arumoses y los sos estractos.[1]

Munches vegaes aplicaos pol comensal, los condimentos tienen de cutiu la consistencia d'un líquidu trupo (mueyu o pasta y sírvense d'una botella, tarru o concu. Tamién pueden ser secos, como ye'l casu de los amiestos d'especies o'l quesu parmesano arralláu. Dellos condimentos, como la mostaza, el kétchup o la mayonesa, tán disponibles envasaos en sobrecitos individuales, especialmente cuando se sirven n'establecimientos de comida pa llevar o comida rápida.

Los condimentos amiéstense dacuando enantes de sirvir el platu, como por casu los sándwiches que lleven kétchup o mostaza. Dellos condimentos puen usase mientres la preparación p'añedir sabor o testura al platu, como ye'l casu de la mueyu barbacoa, la teriyaki y la de soya, emplegaes p'ameyorar el sabor de diverses carnes y verdures.

Ver tamién[editar | editar la fonte]

Notes[editar | editar la fonte]

Enllaces esternos[editar | editar la fonte]