Commodore 64
 | |
| Desendolcador(es) | Commodore International |
|---|---|
| Sistema operativu |
Commodore BASIC V2 (en)  |
| Tipu |
computer model (en) |
| Etiqueta de Stack Exchange | Stack Exchange |
 | |
Commodore 64, frecuentemente abreviáu como C64, ye ún ordenador domésticu de 8 bits presentáu por Commodore International en 1982. El nome fai referencia a los sos 64 KB de memoria RAM, una cantidá considerable pa un ordenador domésticu de la época.
El C64 utilizaba'l MOS Technology 6510 como procesador, el chip gráficu VIC-II y el sintetizador de soníu SID. Podía conectase directamente a un televisor y utilizaba cartuchos, cintes de casete y disquetes como medios d'almacenamientu y distribución de software.
El sistema comercializóse a un preciu inicial de 595 dólares n'Estaos Xuníos y consiguió una amplia distribución en grandes almacenes y comercios non especializaos. Desenvolvióse alredor d'él un ampliu ecosistema de videoxuegos, aplicaciones, periféricos y publicaciones.
Les estimaciones modernes sitúen les ventes ente unos 12,5 y 17 millones d'unidaes. Guinness World Records reconoz al Commodore 64 como'l modelu d'ordenador de sobremesa más vendíu de la historia.[1]
La producción continuó hasta 1994, más d'una década dempués del so llanzamientu, y el C64 convirtióse nuna de les plataformes más representatives de la informática doméstica de la década de 1980.
Referencies
[editar | editar la fonte]- ↑ «Best-selling desktop computer» (inglés). Guinness World Records.
Enllaces esternos
[editar | editar la fonte]
Wikimedia Commons acueye conteníu multimedia sobre Commodore 64.
| Control d'autoridaes |
|
|---|
Datos: Q99775- Multimedia: Commodore 64