Cofradía de Nuestra Señora de los Dolores

De Wikipedia
Saltar a navegación Saltar a la gueta

La Cofradía de Nuestra Señora de los Dolores ye una hermandá cofrade de la villa asturiana d'Avilés. Ye una de les siete que participen na Selmana Santa avilesina, tando la mesma considerada como una Fiesta d'Interés Turísticu Rexonal pol Gobiernu del Principáu d'Asturies.

Historia[editar | editar la fonte]

Constituyida en 1953, fai la so primer estación de penitencia el Miércoles Santu del 14 d'abril de 1954, continuándose con esta actividá dende entós de manera ininterrumpida.

L'emblema y los hábitos son obra del diseñador avilesín Castor González. Consiste l'emblema nun corazón (alegóricamente de la Virxe) atravesáu por siete puñales.

Imaxe[editar | editar la fonte]

Los sos cofrades masculinos porten la imaxe de la Virxe de los Dolores, que lluz un mantu prietu bordáu n'oru (realizáu pola conocida bordadora, afamada na llocalidá, Chona), esta Dolorosa llora tres el so Fíu.

[editar | editar la fonte]

Tien como bas la ilesia parroquial de San Nicolás de Bari d'Avilés.

Hábitu[editar | editar la fonte]

L'hábitu ye prietu y doráu pa los homes y prietu con mantilla española pa les muyeres. Los portadores del pasu y los integrantes de la banda van vistíos con túnica prieta de rasu, en tantu que los nazarenos lleven amás capa, tamién prieta, de terciopelu.

Salida procesional[editar | editar la fonte]

Esta cofradía realiza estación de penitencia procesionando'l Miércoles Santu (Santo Alcuentru) y el Vienres Santu (Santu Entierru). Una representación de la hermandá tamién participa'l Domingu de Ramos acompangando a la procesión de la Borriquilla.

Demientres la procesión los nazarenos porten un farol, mentanto que les muyeres lleven una vela. La banda de cornetes y tambores d'esta hermandá ye la mayor de toles que procesionen n'Asturies con 40 músicos.

El cortexu percuerre'l cascu antiguu medieval de la villa. Nel Santu Alcuentru, del Miércoles Santu, figura como'l caberu de los trés pasos, según l'orde en que procesionen, d'esa xornada. Conflúi coles cofradíes de San Juan y de Jesusín na plaza d'España, au tien llugar la celebración del sermón del Alcuentru, continuando la comitiva al so acabu del percorríu.

La procesión del Santu Entierru del Vienres Santu entamase na ilesia de San Nicolás de Bari y tien llugar tres un sermón y la tradicional ceremonia del Desenclavado a cargu de la hermandá de San Juan. Tamién la Cofradía de San Xuan Evanxelista fai un ritual saludu cuando se crucen cola so comitiva nel percorríu, esti saludu consiste nel enclín del pasu de San Xuan, lo que se consigue al doblar la rodía la primera trabayadera.

Ver tamién[editar | editar la fonte]

Enllaces esternos[editar | editar la fonte]