Coeficiente de conductividá térmica

Coeficiente de conductividá térmica
artículu de llista de Wikimedia

El coeficiente de conductividá térmica ye una carauterística de cada sustancia y espresa la magnitú de la so capacidá de conducir la calor. El so símbolu ye la lletra griega $\lambda$.

Nel sistema internacional d'unidaes (SI) mídese en Vatiu/metru·kelvin (W/m·K), nel Sistema Téunicu mídese en quilocaloría/hora·metru·kelvin (kcal/h·m·K) y nel sistema anglosaxón en BTU/hora·pie·Fahrenheit (BTU/h·ft·ºF).

El coeficiente de conductividá térmica espresa la cantidá o fluxu de calor que pasa al traviés de la unidá de superficie d'una muestra del material, d'estensión infinita, cares planoparaleles y espesor unidá, cuando ente les sos cares s'establez una diferencia de temperatures igual a la unidá, en condiciones estacionaries.

Esti coeficiente camuda coles condiciones del materal (humedanza, temperatura a la que se fai la midida), polo que se fixen condiciones pa facelu, xeneralmente pa materal seco y a 15ºC (temperatura media de trabayu de los materiales de construcción), y n'otres ocasiones a 300 K (26,84ºC).

Evolución cola temperatura

La conductividá térmica evoluciona cola temperatura.

Pa los sólidos respuende a la llei que vien darréu:

$\lambda =\lambda _{0}(1+a\Theta )\,$

onde:

• λ₀ ye la conductividá térmica del material a 0°C
• a ye un coeficiente característicu de cada material
• θ ye la temperatura en graos Celsius.

a ye positivu pa los aislantes térmicos y negativu pa los conductores térmicos.

Cuando la temperatura aumenta, un aislante pierde la so capacidá d'aislamientu y inversamente un conductor pierde la so capacidá de conducción.

Evolución cola humedanza

Pa los materiales de construcción ye avezao utilizar la rellación siguiente:

$\lambda =\lambda _{0}e^{0,08H}\,$

onde:

• λ₀ ye la conductividá térmica del material secu
• H ye la humedanza relativa en porcentaxe

Dellos valores típicos de conductividá térmica ($\lambda$)

	Conductividá Térmica (W/m·K)
Aceru	47 - 58
Agua	0,58
Aire	0,02
Alcohol	0,16
Alpaca	29,1
Aluminiu	209,3
Amiantu	0,04
Bronce	116 - 186
Cinc	106-140
Cobre	372,1 - 385,2
Corchu	0,04 - 0,30
Estañu	64,0
Freba de vidru	0,03 - 0,07
Glicerina	0,29
Fierro	1,7
Lladriellu	0,80
Lladriellu refractariu	0,47 - 1,05
Llatón	81 - 116
Litiu	301,2
Madera	0,13
Mercuriu	83,7
Mica Moscovita	0,72
Níquel	52,3
Oru	308,2
Parafina	0,21
Plata	406,1 - 418,7
Plomu	35,0
Vidru	0,6 - 1,0

Enllaces esternos

• Wikimedia Commons tien conteníu multimedia tocante a Coeficiente de conductividá térmica.

• Datos: Q773078