Coccinellidae (Catasol)

De Wikipedia
Saltar a navegación Saltar a la gueta

Los coccinélidos (Coccinellidae) son una familia d'inseutos coleópteros de la superfamilia Cucujoidea. Reciben distintos nomes vulgares según el llugar, siendo los más comunes maruxu y perrín de dios. Tienen el cuerpu arrondáu y con frecuencia colories vivos. Munches especies alimentensede pulgones, polo que contribúin a controlar estes plagues.

Ladybird.jpg

El so nome común varia según la especie y el país. Los más habituales son: maruxu, mariquita, catita, vaquita de San Antonio y vaquita de San Antón n'Arxentina; mariquita, chinita en Chile; mariquita n'España, Puertu Ricu, República Dominicana, Ecuador, El Salvador, Colombia, Venezuela, Bolivia, Perú, Paraguái, Honduras, Costa Rica y Nicaragua; sarantontón o sanantonito nes Islles Canaries; catarina en Méxicu, San Antonio n'Uruguái, y d'últimes tortolita en Guatemala.[1]

Distribución[editar | editar la fonte]

Los coccinélidos atopense por tol mundu, con más de 4500 especies descrites. Xeneralmente habiten plantes onde s'atopen les sos preses, como los pulgones o áfidos.

Bioloxía[editar | editar la fonte]

Ciclu vital[editar | editar la fonte]

Ponen los güevos de color mariellu ún por ún o asitiaos en grupos sobre les fueyes o tarmos, xeneralmente na cercanía de colonies de pulgones. Dempués d'una selmana, remanecen les canesbes que tienen seis pates, y gran movilidá. Dalgunes son espinoses o verrugoses, de color negru con minúsculos llurdios blancos o anaranxaes, anque hai una gran variedá en los colores según la especie.

Marienkäfer Anatomie.svg

Estes canesbes pasen por cuatro estadios antes de convertise en pupes. Les pupes xuntense a les fueyes, tarmos o roques, y suelen ser de color anaranxáu y negru. Pueden confundise con escrementos d'aves. De la pupa remanez un adultu de color amarellentáu ensin tener entá definíos los colores característicos del adultu; pero los mesmos apaecen nunes poques hores.

Alimentación[editar | editar la fonte]

Los maruxos son bien apreciaes yá que son depredadores naturales de los áfidos (pulgones), cocos, pulgues, ácaros y cochinillas que son plagues pa l'agricultura.[2] Un maruxu adultu envalórase que puede consumir más de mil d'estos animales mientres el branu y si tenemos en cuenta qu'una fema puede tener más d'un millón de críes daremos cuenta de por qué son consideraos como insecticides naturales.[3] En munchos llugares del mundu utilizense pa lo que se conoz como control biolóxicu de les plagues; esto ye, estes esanicien los animales perxudiciales pa l'agricultura utilizando los sos enemigos naturales, en llugar d'utilizar productos químicos.

Los sos depredadores más comunes son los páxaros; otros son les xaronques, aviespes, arañes y libélulas. El so desagradable sabor protexenla en cierta midida contra los sos depredadores.

Psyllobora vigintiduopunctata

Investigación[editar | editar la fonte]

Nel añu 1999, como parte d'un proyeutu propuestu por un grupu d'alumnes de secundaria en Chile, una colonia de Coccinellinae foi llevada al espaciu. Fueron parte de la misión STS-93 del tresbordador Columbia, en que se-yos integró a una investigación sobre'l comportamientu de plantes y artrópodos n'ambientes de microgravedad. (Base de datos de la investigación en microgravedad)

Delles especies[editar | editar la fonte]

  • Coccinella septempunctata
  • Anatis ocellata
  • Adalia bipunctata
  • Hippodamia convergens
  • Hippodamia tredecimpunctata
  • Coleomegilla maculata
  • Chilocurus stigma
  • Epilachna varivestis
  • Epilachna connexa
  • Eriopis connexa
  • Harmonia axyridis
  • Cryptolaemus montrouzieri
  • Rodolia cardinalis
  • Cycloneda sanguinea
  • Scymnus loewii
  • Adalia decempunctata
  • Hippodamia variegata
  • Epilachna chrysomelina
  • Semiadalia notata
  • Harmonia quadripunctata
  • Coccinella novemnotata



Referencies[editar | editar la fonte]

  1. http://www.surmagico.cl/chinitas.htm
  2. "Principios de Entomología Agrícola", Rodolfo Bastidas y Yanet Zavala, Ediciones Sol de Barro, año 1995, ISBN 980-245-006-5
  3. Revista Natura nᵘ14, mayo de 1984

Bibliografía[editar | editar la fonte]

  • Borror, D. J., DeLong, D. M., Triplehorn, C. A.(1976) cuarta edición. An introduction to the study of insects. Holt, Rinehart and Winston. New York, Chicago. ISBN 0-03-088406-3
  • Arnett, R. H. Jr. (2000) Segunda edición. American insects. CRC Press, Boca Raton, Londres, New York, Washington, D. C. ISBN 0-8493-0212-9
  • McGavin, George C. (2000). "Inseutos, arañes y otros artrópodos terrestres". Ediciones Omega S. L., Barcelona. ISBN 84-282-1201-5