Clärenore Stinnes

De Wikipedia
Clärenore Stinnes
Vida
Nacimientu Mülheim an der Ruhr[1]21 de xineru de 1901[2]
Nacionalidá Bandera d'Alemaña Alemaña
Muerte Björnlunda (en) Traducir[3]7 de setiembre de 1990[2] (89 años)
Familia
Padre Hugo Stinnes
Casada con Carl-Axel Söderström ( – 1976)
Fíos/es Cläre Söderström-Svensson (en) Traducir
Pueblu Stinnes (en) Traducir
Estudios
Llingües falaes alemán[4]
Oficiu
Oficiu pilotu d'automovilismu, escritoradireutora de cine
IMDb nm1302558
Cambiar los datos en Wikidata

Clara Eleonore Stinnes (21 de xineru de 1901Mülheim an der Ruhr – 7 de setiembre de 1990Björnlunda (en) Traducir) foi un pilotu alemana, y la primer muyer en dar la vuelta al mundu en coche.[5]

Stinnes nació en Mülheim, siendo'l so padre'l políticu Hugo Stinnes. El so fallecimientu tempranu, cuando ella tenía 23 años, y l'insistencia de la so madre de que se casara llueu, fixeron qu'ella, aforfugada, quixera buscase un pasatiempu, y naquella dómina les carreres de coches taben bien en boga y los pilotos yeren consideraos héroes.[6] Asina, a los 24 años participó na so primer carrera de motor; en 1927 yá ganara 17 carreres compitiendo con homes y yera una de los pilotos de carreres más esitoses d'Europa.[7] El 25 de mayu de 1927 Stinnes empezó'l so viaxe alredor del mundu, xunto con Carl-Axel Söderström, a quien conociera namái dos díes antes de la so partida, nun coche Adler Estándar 6 de fábrica y escoltada por dos mecánicos y un vehículu de carga con equipamientu y partes de sobra.[8] El viaxe tuvo patrocináu pola industria de automoción alemana (Adler, Bosch y Aral) con 100,000 Reichsmark.[9]

Pasaron al traviés de los Balcanes vía Beirut, Damascu, Bagdag y Teḥrán a Moscú, onde los dos mecánicos dexáron-yos, y depués viaxaron a Siberia, cruciaron el conxeláu Llagu Baikal y el desiertu del Gobi y llegaron a Beixín. Viaxaron por ferry a Xapón, y más tarde a Ḥawai y Suramérica. Al llegar a Lima cruciaron los Andes a Buenos Aires, volvieron tras y fueron al norte escontra Centroamérica. La pareya siguió escontra Vancouver y Nueva York. En Washington D.C. Stinnes y Söderström recibieron la bienvenida del Presidente Herbert Hoover. Viaxaron por ferry a Le Havre y llegaron col so coche a Berlín el 24 de xunu de 1929, dempués d'un viaxe de 47,000 km (29,000 el mio) en coche.[10]

Un Adler Estándar 6, el modelu que Stinnes condució nel so viaxe.

Tres el so feliz regresu Carl-Axel Söderström divorcióse; Söderström y Stinnes casáronse y vivieron nuna propiedá en Suecia, onde criaron a trés neños propios y dellos neños adoptivos.[7] Años más tarde pasaron ciertu tiempu en Irmenach. Söderström finó en 1976, a los 82 años, ente que Stinnes sobrevivió al so home 14 años. Stinnes finó'l 7 de setiembre de 1990, a los 89 años d'edá.[7]

Referencies[editar | editar la fonte]

  1. Afirmao en: Gemeinsame Normdatei. Data de consulta: 11 avientu 2014. Llingua de la obra o nome: alemán. Autor: Biblioteca Nacional d'Alemaña.
  2. 2,0 2,1 Afirmao en: Gemeinsame Normdatei. Identificador GND: 12335868X. Data de consulta: 17 ochobre 2015. Llingua de la obra o nome: alemán. Autor: Biblioteca Nacional d'Alemaña.
  3. URL de la referencia: https://www.deutsche-biographie.de/pnd12335868X.html.
  4. Afirmao en: catálogu de la Biblioteca Nacional Checa. Identificador NKCR AUT: xx0234944. Data de consulta: 1r marzu 2022.
  5. «El mundo como destino, Clärenore Stinnes (1901-1990)». Consultáu'l 4 de marzu de 2017.
  6. (en francés) Clärenore Stinnes a tracé la route pour les femmes | En voiture Carine. En voiture Carine. 12 d'avientu de 2015. http://www.envoiturecarine.fr/2015/clarenore-stinnes-a-trace-la-route-pour-les-femmes/. Consultáu'l 4 de marzu de 2017. 
  7. 7,0 7,1 7,2 «Meet the First Woman to Drive Around the World / Dura Globes Blog | Dura Globes» (inglés). Consultáu'l 4 de marzu de 2017.
  8. Heymont, George (31 de xineru de 2011). «Are We There Yet? Iconic Road Trip Movies». Consultáu'l 4 de marzu de 2017.
  9. «Vor 80 Jahren um die Welt» (n'alemán). Welt Online. 3 de marzu de 2007. http://www.welt.de/welt_print/article743782/Vor_80_Jahren_um_die_Welt.html. Consultáu'l 22 de mayu de 2015. 
  10. (2001) Pferdestärken. Die Lebensliebe der Clärenore Stinnes. ISBN 3-499-23536-6.

Enllaces esternos[editar | editar la fonte]