Saltar al conteníu

Clube Atlético Mineiro

De Wikipedia
Clube Atlético Mineiro
Situación
Estáu Brasil
Datos
Nome oficial Clube Atlético Mineiro
Tipu club de fútbol
Fundáu en25 marzu 1908
Entrenador Bandera d'Arxentina Jorge Sampaoli
Categoría Serie A del Campeonatu Brasilanu
Instalaciones
Estadiu Arena MRV (en) Traducir
Uniforme
Titular
Alternativu
Tercera
Patrocinador Betano

Web oficial
Cambiar los datos en Wikidata

El Clube Atlético Mineiro, conocíu davezu como Atlético Mineiro y coloquialmente como Galo ("Gallu"), ye un club profesional de fútbol con sede en Belo Horizonte, la capital del estáu brasilanu de Minas Gerais. Compite nel Campeonato Brasileiro Série A, el primer nivel del fútbol brasilanu.

El Clube Atlético Mineiro fundóse'l 25 de marzu de 1908 por ventidós estudiantes de Belo Horizonte.[1][2] A pesar de tener fundadores de clase alta, el club abrió les sos puertes dende'l principiu a xugadores de toles clases sociales. La mascota del club, el gallu, ta asociáu fuertemente con Atlético dende la década de 1930. Col pasu del tiempu, la pallabra Galo (portugués pa "gallu") convirtióse nun apodu común pal club. L'equipu viste xeneralmente camisetes a rayes blanques y negres, pantalón negru y medies blanques.

Atlético ganó'l Campeonato Mineiro en 50 ocasiones, un récor históricu. A nivel nacional, ganó'l Campeonato Brasileiro tres veces: en 1937, 1971 y 2021, y terminó segundu en cinco ocasiones. Tamién ganó la Copa do Brasil dos veces, una vez Supercopa do Brasil y otra vez la Copa dos Campeões Brasileiros.[3][4]

A nivel internacional, Atlético ganó la Copa Libertadores y la Recopa Sudamericana una vez cada una, y tien el récor de dos Copa CONMEBOL. L'equipu tamién llegó a tres finales continentales más. A lo llargo de la so historia, el club participó n'otros deportes, destacando especialmente la so sección de fútbol sala.

El club xuega los sos partíos como llocal nel Arena MRV, con capacidá pa más de 46.000 espectadores. La construcción del Arena MRV empezó'l 20 d'abril de 2020, la inauguración foi'l 15 d'abril de 2023 y el primer partíu oficial celebróse'l 27 d'agostu de 2023.[5][6]

Atlético tien una fuerte rivalidá llocal con Cruzeiro, conocíu como'l Clássico Mineiro. Tamién tien rivalidaes con América Mineiro y a nivel interestatal con Flamengo. El club representa la sesta marca más valiosa de Brasil, valorada en 143 millones d'euros en 2016, la octava mayor asistencia de fútbol nel país y ocupa'l séptimu puestu n'ingresos, con 62,2 millones de euros en 2015.[7]

El 1 de payares de 2023 anuncióse que Galo Holding completó la compra del 75% del capital de la SAF del club. De los 913 millones de reales invertíos polos nuevos accionistes, un terciu destinóse al pagu de deudes.[8]

Referencies

[editar | editar la fonte]
  1. ↑ «Atlético – Historia – Fundación» (portugués). Consultáu'l 20 d’agostu de 2015.
  2. ↑ «Villa Nova A.C. completa 108 años de historia» (portugués) (28 de xunu de 2016). Archiváu dende l'orixinal, el 14 d’agostu de 2016. Consultáu'l 14 de xunetu de 2016.
  3. ↑ «Copa dos Campeões Estaduais 1936» (29 de marzu de 2008). Archiváu dende l'orixinal, el 7 de payares de 2014. Consultáu'l 20 d'agostu de 2015.
  4. ↑ «I Torneio dos Campeões Brasileiros 1978» (31 d'agostu de 2014). Archiváu dende l'orixinal, el 24 de setiembre de 2014. Consultáu'l 20 d'agostu de 2015.
  5. ↑ «Arena MRV» (portugués).
  6. ↑ «Veja como será a inauguração da Arena MRV pelo Atlético» (portugués) (12 d'abril de 2023). Consultáu'l 13 d'abril de 2023.
  7. ↑ 9th finance and brand values of the most valuable Brazilian soccer clubs, 2016, http://www.bdobrazil.com.br/pt/PDFs/Estudos_Zipados/Valor_das_Marcas_2016.pdf, consultáu'l 19 de payares de 2016
  8. ↑ «SAF Atlético: Galo transfere contratos da associação para clube-empresa no BID» (portugués). O Tempo. Consultáu'l 25 d'avientu de 2023.

Enllaces esternos

[editar | editar la fonte]
Sacáu de «https://ast.wikipedia.org/w/index.php?title=Clube_Atlético_Mineiro&oldid=4436708»