Clitopilus prunulus
 Clitopilus prunulus | ||
|---|---|---|
 | ||
| Clasificación científica | ||
| Reinu: | Fungi | |
| División: | Basidiomycota | |
| Clas: | Agaricomycetes | |
| Subclas: | Agaricomycetidae | |
| Orde: | Agaricales | |
| Familia: | Entolomataceae | |
| Xéneru: | Clitopilus | |
| Especie: |
C. prunulus[1] (Scop.) P. Kumm. 1871 | |
| Sinonimia | ||
| ||
| Consultes | ||
| [editar datos en Wikidata] | ||
| Clitopilus prunulus Carauterístiques micolóxiques  | ||
|---|---|---|
 | ||
 | ||
 | ||
 | ||
 | ||
 | ||
 | ||
| [editar datos en Wikidata] |
Les especies de fungos con nome común en llingua asturiana márquense como Nmic. En casu contrariu, conséñase'l nome científicu.
La Clitopilus prunulus ye un fungu basidiomicetu comestible, de la familia Pluteaceae.[1] Crez en montes de frondosas o mistos. La cogorda, o cuerpu granible, apruz pel branu y seronda.[2] El basónimu d'esta especie ye Agaricus prunulus Scop. 1772,[1] y el so epítetu específicu, prunulus, significa "prunu pequeñu". Ye un comestible bien apreciáu, anque nun tien de consumise cruda.[2]
Descripción[editar | editar la fonte]
La so cogorda, cuerpu granible, tien un sombreru gris ablancazáu, d'aspeutu fariñentu y ente 8 y 12 centímetros de diámetru. Tien forma convexa n'exemplares nuevos, y vase apandando conforme madura, hasta quedar ablayáu nel centru y con cantos son irregulares y ondulaos. Les llámines son bien fines, tupies y llixeramente decurrentes, y presenten un color blancu de primeres y daqué rosáu más tarde. El pie ye curtiu, macizu y flexible, y nun suel superar los 5 centímetros de llargor. La base del pie ye afelpada. El golor de la so carne ye prestosu y bien característicu, recordando al de la farina de trigu, razón pola que la cogorda conocer col nome popular de "molinera". La esporada ye rosada.[2]
Comestibilidá[editar | editar la fonte]
- Nun ha comese cruda.
Posibilidaes de tracamundiu[editar | editar la fonte]
Ye posible tracamundiar esti fungu coles d'otres especies velenoses o non comestibles, como Clitocybe phyllophyla o Clitocybe dealbata, que tamién tienen golor fariñento y llámines estrapaes (pero elástiques y non como nel Prunulus que se ruempen al pasar el deu), pero ensin tonos rosaos y más dures que les Clitopilus prunulus.[2]
Referencies[editar | editar la fonte]
- ↑ 1,0 1,1 1,2 «Clitopilus prunulus» (n'inglés), Clitopilus prunulus, CAB International, Centraalbureau voor Schimmelcultures (CBS) y Landcare Research New Zealand Limited (eds.), http://www.indexfungorum.org/Names/NamesRecord.asp?RecordID=237006
- ↑ 2,0 2,1 2,2 2,3 Grünert, H.; Grünert, R.; VV.AA. (1984). Guíes de Naturaleza Blume: Cogordes (t. orixinal:"Pilze"). Barcelona: Blume, páx. 56. ISBN 84-87535-11-9.
Enllaces esternos[editar | editar la fonte]
Wikimedia Commons tien conteníu multimedia tocante a Clitopilus prunulus.
 |
Wikispecies tien un artículu sobre Clitopilus prunulus. |
Datos: Q856834- Multimedia: Clitopilus prunulus