Clifford Smith (director)

Clifford Smith
Vida
Nacimientu	Richmond (es) , 22 d'agostu de 1894
Nacionalidá	Estaos Xuníos
Llingua materna	inglés
Muerte	Los Angeles, 17 de setiembre de 1937 (43 años)
Causa de la muerte	peritonitis (es)
Estudios
Llingües falaes	inglés
Oficiu	actor, productor de cine, actor de cine, guionista, direutor de cine
IMDb	nm0807742

Póster del filme Hell's Hinges, con William S. Hart, dirixíu por Clifford Smith.

Anunciu del filme Untamed, con Roy Stewart, dirixíu por Clifford Smith.

Clifford Smith (22 d'agostu de 1894, Richmond ^(es)  – 17 de setiembre de 1937, Los Angeles) foi un direutor y actor cinematográficu d'Estaos Xuníos, que la so carrera trescurrió principalmente na dómina del cine mudu. Dirixó cerca d'unos 70 filmes ente 1915 y 1937, trabayando dacuando como ayudante de direición, productor y guionista. La so especialidá fueron los westerns y los seriales cinematográficos, siendo conocíu por dirixir, xunto a Ford Beebe, el serial Ace Drummond en 1936.

Biografía

Nacíu en Richmond, Indiana, empecipió la so carrera como actor en 1912 col filme The Deserter, de Thomas H. Ince. La primer cinta que dirixó foi'l curtiumetraxe The Roughneck, estrenada en 1915 pola compañía Kay-Bee Pictures, empresa cinematográfica que trabayó ente 1912 y 1918. Dirixó dellos curtiumetraxes de xéneru western ente 1915 y 1916, dalgunos ensin apaecer nos creitos, pa Kay-Bee, y que protagonizaba William S. Hart.

En 1917 dirixó para Universal Pictures el curtiu June Madness. Tamién dirixó dellos filmes protagonizaos por Roy Stewart y producíos por Triangle Film Corporation, y en 1920 dirixó los filmes The Cyclone y Three Gold Coins, protagonizaos por Tom Mix para Fox Film. A partir de 1924 dirixó tamién delles producciones d'Universal Pictures con Al y Jack Hoxie, como Ridgeway of Montana (1924) y The Back Trail (1924), y con Hoot Gibson, como The Man in the Saddle (1926). Tamién dirixó en collaboración con otros direutores, como Alan James y Lynn Reynolds. Smith tamién foi direutor de delles producciones de MGM, como The Valley of Hell, estrenada en 1927.

Xunto a Ford Beebe, dirixó en 1936 el serial Ace Drummond, con un total de 13 capítulos, producíu por Universal Pictures. Darréu rodó otros seriales en collaboración con Beebe, ente ellos Jungle Jim y Radio Patrol, la última producción empobinada por él, y estrenada en 1937, un mes dempués de la so muerte.

Como actor, Smith trabayó en 10 películes ente 1912 y 1936, destacando la so participación nel curtiumetraxe Lure of the Violin en 1913, y en Les Misérables (1935).

Tamién trabayó como productor, rodando 5 filmes ente 1921 y 1922, 4 d'ellos (The Good Black Sheep, Western Hearts, Crossing Trails, Daring Danger) para Cliff Smith Productions, la so propia compañía cinematográfica, qu'operó dende 1921 a 1922. Amás, foi guionista de Western Hearts, cinta interpretada por Josie Sedgwick en 1921.

Clifford Smith finó por causa de un peritonitis en Los Angeles, California, en 1937, a los 43 años d'edá.

Seleición de la so filmografía

Direutor

• The Roughneck, codirixida con William S. Hart (1915)
• The Taking of Luke McVane (1915)
• The Disciple, codirixida con William S. Hart (1915)
• Hell's Hinges, codirixida con Charles Swickard y William S. Hart (1916)
• The Aryan, codirixida con Reginald Barker y William S. Hart (1916)
• Untamed (1918)
• The Lone Hand (1920)
• The Red Rider (1925)
• Open Range (1927)
• Ace Drummond (1936)
• The Adventures of Frank Merriwell (1936)
• Jungle Jim (1937)
• Secret Agent X-9 (1937)
• Wild West Days (1937)
• Radio Patrol (1937)

Ayudante de direición

• The Return of Draw Egan, de William S. Hart (1916)

Actor

• The Deserter, de Thomas H. Ince (1912)
• Under Two Flags, de Frank Lloyd (1936)

Referencies

• Esta obra remanez de la traducción de Clifford Smith de Wikipedia - italianu, espublizada polos sos editores baxo la Llicencia de documentación llibre de GNU y la Llicencia Creative Commons Atribución-CompartirIgual 3.0 Unported.
• Esta obra remanez de la traducción de Clifford Smith (cineasta) de Wikipedia - portugués, espublizada polos sos editores baxo la Llicencia de documentación llibre de GNU y la Llicencia Creative Commons Atribución-CompartirIgual 3.0 Unported.

Enllaces esternos

• Clifford Smith en IMDB
• Clifford Smith en Films101
• Clifford Smith en Fandangu
• Filmografía en AFI American Film Institute

• Datos: Q3680696
• Multimedia: Clifford S. Smith