Clement Attlee

De Wikipedia
Saltar a: navegación, buscar
Clement Attlee
Clement Attlee

26 de xunetu de 1945 – 26 d'ochobre de 1951
Monarca Jorge VI
Predecesor Winston Churchill
Socesor Winston Churchill

Predecesor Cargu creáu
Socesor Herbert Morrisonl

Datos personales
Nacimientu 3 de xineru de 1883
Bandera del Reinu Xuníu Londres, Reinu Xuníu
Fallecimientu 8 d'ochobre de 1967
Partíu Llaborista
Ocupación militar, políticu, abogáu

Clement Richard Attlee (Putney, Londres, 3 de xineru de 1883 - Westminster, 8 d'ochobre de 1967), foi un destacáu políticu británicu, líder del Partíu Llaborista ente 1935 y 1955 y Primer ministru del Reinu Xuníu ente 1945 y 1951. Mientres el so mandatu sentó les bases pal establecimientu del estáu del bienestar nel so país creando, ente otres, l'asistencia sanitaria universal y gratuita en Reinu Xuníu. Ta consideráu como unu de los meyores primeros ministros del Reinu Xuníu, y como unu de los más populares.[1]

Biografía[editar | editar la fonte]

Nació en Putney, Londres el 3 de xineru de 1883. Yera fíu d'un abogáu ricu. Dempués d'estudiar en Oxford, exerció l'abogacía mientres un curtiu tiempu, pero llueu s'interesó pola política y poles reformes sociales. En 1908 ingresó nel Partíu Llaborista Independiente, y más tarde nel Partíu Llaborista. Mientres la Primer Guerra Mundial foi soldáu nel Exércitu Británicu.

En 1919 llegó a alcalde del distritu londinense de Stepney y nes elecciones de 1922 foi escoyíu diputáu por Limehouse. Nos gobiernos llaboristes formaos en 1924 y más tarde en 1929 por Ramsay MacDonald ocupó diversos cargos de menor importancia. En 1931 refugó la coalición ente los llaboristes de MacDonald y el conservadores de Stanley Baldwin y en 1935 pasó a liderar el partíu.

Mientres los años siguientes sofitó midíes contra la Alemaña nazi y la Italia fascista, y pidió igualmente qu'el so país sofitara al bandu republicanu na Guerra Civil Española. En 1940 pasa a formar parte del Gobiernu de concentración nacional dirixíu por Winston Churchill, faciendo importantes concesiones respecto de les polítiques llaboristes n'ares de la unidá, asumiendo en dichu Gobierno distintos cargos, siendo vicepresidente del Gobiernu dende 1942. Abandonó'l Gobiernu en 1945, cuando yá taba prácticamente acabada la guerra que la motivó, y tres la so victoria nes elecciones de xunetu, ye nomáu Primer Ministru.

Siendo Primer Ministru, se nacionalizó el Bancu d'Inglaterra y les industries del carbón, el gas, la electricidá, los ferrocarriles, l'aviación civil y la siderurxa. Aneurin Bevan, ministru de sanidá nel so gobiernu, foi l'encargáu de crear el National Health Service ("Serviciu Nacional de Salú") y de la puesta en marcha del estáu de bienestar. En política esterior, concedióse la independencia a la India y abandonóse Palestina. En 1949 Gran Bretaña entró na OTAN.

Attlee dimitió como primer ministru tres una afecha victoria conservadora n'ochobre de 1951. En 1955, abandonó la xefatura del Partíu Llaborista. N'avientu de 1955 aportó a la Cámara de los Lores. Finó en Westminster, el 8 d'ochobre de 1967, y los sos restos fueron soterraos na Abadía de Westminster.


Predecesor:
George Lansbury

Líder del Partíu Llaborista

1935-1955
Socesor:
Hugh Gaitskell
Predecesor:
George Lansbury
Royal Coat of Arms of the United Kingdom (HM Government).svg
Líder de la Oposición Líder de la Oposición del Reinu Xuníu

1935-1940
Socesor:
Hastings Llees-Smith
Predecesor:
Nengún
Royal Coat of Arms of the United Kingdom (HM Government).svg
Vizprimer ministru del Reinu Xuníu

1942-1945
Socesor:
Herbert Stanley Morrison
Predecesor:
Arthur Greenwood
Royal Coat of Arms of the United Kingdom (HM Government).svg
Líder de la Oposición Líder de la Oposición del Reinu Xuníu

1945
Socesor:
Winston Churchill
Predecesor:
Winston Churchill
Royal Coat of Arms of the United Kingdom (HM Government).svg
Primer ministru del Reinu Xuníu

1945-1951
Socesor:
Winston Churchill
Predecesor:
Winston Churchill
Royal Coat of Arms of the United Kingdom (HM Government).svg
Ministru de Defensa del Reinu Xuníu

1945-1946
Socesor:
A. V. Alexander
Predecesor:
Winston Churchill
Royal Coat of Arms of the United Kingdom (HM Government).svg
Líder de la Oposición Líder de la Oposición del Reinu Xuníu

1951-1955
Socesor:
Herbert Morrison

Referencies[editar | editar la fonte]









Clement Attlee