Clara Silva

Clara Silva
Vida
Nacimientu	Montevidéu, 1905
Nacionalidá	Uruguái
Muerte	Montevidéu, 20 de setiembre de 1976 (70/71 años)
Familia
Casada con	Alberto Zum Felde
Hermanos/es	ver Concepción Silva Bélinzon;
Estudios
Llingües	castellanu
Oficiu
Oficiu	escritora, poeta
Xéneru artísticu	poesía; narrativa (es)

Clara Silva (Montevidéu, 1905^[2] - Ib., 1976) foi una poeta y narradora uruguaya.

Biografía[editar | editar la fonte]

De moza vidueña llectora, el primer llibru de poemes de Clara Silva foi La melota escura, publicáu en 1945. Siguiéronlu 039;'Memoria de la nada (1948) y Los delirios (1954).

Educada nuna familia fervientemente católica, enseñóse-yos tantu a ella como a la so hermana Concepción qu'había qu'amar a toos ensin distinciones. La disyuntiva ente l'amor relixoso y el terrenal ta presente a lo llargo de la so obra:

"Qué busco, qué nun busco, duldosu? / Forfugando distancies vanamente / a un tiempu soi amor, amada, amante".

Pero nun foi nes poesíes d'esos primeros volumes onde más destacó l'autora, sinón como novelista. Nes sos noveles, eses esmoliciones relixoses siguen latentes. Muyeres atayaes y soles, atrapaes en vieyes casones, abonden na so narrativa.

Ye una poética del grisor, de lo lúgubre y sórdido, espresada con crudeza y atención naturalista, ensin refalgar lo feo, lo grotesco y lo escatolóxico. Encétense asina ambientes de marxinación y paisaxes afaraos: basurales, desaguadoriu de colectores en regueros solitarios, baldíos que paecen pandoriales y esos rancheríos miserables que na dómina empezaben a ser conocíos cola irónica denominación de «cantegriles».^[3]

Clara Silva taba casada col críticu y ensayista Alberto Zum Felde. Dambos finaron en 1976.

Obra[editar | editar la fonte]

Poesía[editar | editar la fonte]

La melota escura (1945).
Memoria de la nada (1948).
Los delirios (1954).
Les bodes (1960).
Preludiu indianu y otros poemes (1961).
Guitarra en solombra (1964).

Narrativa[editar | editar la fonte]

La sobreviviente (1951).
L'alma y los perros (1962).
Avisu a la población (Editorial Alfa, Montevideo, 1964, reeditáu por Arca en 1967 y pola Biblioteca Artigas de Clásicos Uruguayos en 2009).
Habitación testigu (1967).
Prohibíu pasar (1969).

Crítica[editar | editar la fonte]

Xeniu y figura de Delmira Agustini (1968).

Referencies[editar | editar la fonte]

↑ Afirmao en: Library of Congress Authorities. Data de consulta: 11 avientu 2019. Identificador d'autoridá de la Biblioteca del Congresu de EEXX: n85386400. Editorial: Biblioteca del Congresu d'Estaos Xuníos. Llingua de la obra o nome: inglés.
↑ Rela, Walter.«Poesía uruguaya. Sieglu 20.». Montevideo, Ediciones Alfar, 1994. p. 165.
↑ Alzugarat, Alfredo (28 d'agostu de 2009). «Crónica contemporánea: Reedición de Clara Silva (1902-1976)». El País. Consultáu'l 23 de xineru de 2014.

Datos: Q16549435

[Q13219454-1] Afirmao en: Library of Congress Authorities. Data de consulta: 11 avientu 2019. Identificador d'autoridá de la Biblioteca del Congresu de EEXX: n85386400. Editorial: Biblioteca del Congresu d'Estaos Xuníos. Llingua de la obra o nome: inglés.

[2] Rela, Walter.«Poesía uruguaya. Sieglu 20.». Montevideo, Ediciones Alfar, 1994. p. 165.

[3] Alzugarat, Alfredo (28 d'agostu de 2009). «Crónica contemporánea: Reedición de Clara Silva (1902-1976)». El País. Consultáu'l 23 de xineru de 2014.

[1]

[2]

[3]