Civilización púnica

De Wikipedia
Saltar a: navegación, buscar
Máxima estensión púnica

La civilización púnica o cartaxinesa foi un Estáu y civilización de l'Antigüedá clásica que englobaba la ciudá de Cartago y los sos territorios dependientes. El so idioma, cultura y relixón provienen de los fenicios. La ciudá de Cartago, primeramente una colonia fenicia (la palabra llatina punĭcus -"púnicu"- significaba "feniciu" -del griegu phoinikes-), tres la decadencia de la so metrópoli (Tiro -incorporada al Imperiu neobabilónicu nel 573 e.C.-), desenvolvió una alianza o lliga con otres ciudaes púniques del Mediterraneu occidental basada na hexemonía de Cartago, que col tiempu terminó integrando toles ciudaes a los sos dominios. La so forma d'Estáu evolucionó dende una tiranía con ciertes carauterístiques monárquiques, fasta un sistema dafechu republicanu. La estensión territorial de los sos dominios formaron un verdaderu Imperiu púnicu.