Circe Invidiosa

Circe Invidiosa
Circe Invidiosa y Circe Invidiosa
Tipos	pintura
Artista	John William Waterhouse
Añu	1892
Técnica	pintar al oleu
Xéneru	pintura mitolóxica
Estilu	Hermandá Prerrafaelita
Material	pintura al oleu
Dimensiones	180,7 () × 87,4 () cm
Coleición	Art Gallery of South Australia (es) (Ciudad de Adelaide (es) )
Catalogación
Códigu muséu	0.106

Circe Invidiosa ye una pintura de John William Waterhouse completada en 1892. Ye la segunda representación del pintor del personaxe mitolóxicu clásicu Circe, dempués de Circe ufiertando la copa a Odiseo de 1891. Waterhouse más tarde retomaría a la tema de Circe per tercer vegada con La bruxa (The Sorceress) de 1911.

Esta representación mitolóxica basóse na hestoria d'Ovidio en Les metamorfosis, onde Circe convierte a Escila, el so rival, nuna bisarma marina horrible, namás porque Glauco despreció les meyores romántiques de la bruxa cola esperanza d'algamar l'amor de Escila^[1]

Circe Invidiosa ye parte de la colección de la Galería d'Arte d'Australia del Sur (Art Gallery of South Australia) n'Adelaide, que tamién ye propietaria de Los favoritos del emperador Honorio (The Favourites of the Emperor Honorius) de 1883, tamién de Waterhouse.

Descripción

Magar esta pintura inspiróse como un homenaxe a Ovidio, Waterhouse fai xirar lo clásico de manera imaxinativa y poética. Anthony Hobson describió la pintura como rodiada por un aura amenazador, que tien muncho que ver col poderosu esquema de colores fondos verdes y azules que Waterhouse remana con soltura.^[2] Esos colores paecen vidreres o xoyes para Gleeson White. Judith Yarnall tamién se fai ecu del sentimientu sobro los colores y menta una "integridá de llinia" na pintura. Diz que, tomaos en pareya, les dos primeres "Circes" de Waterhouse planteguen la entruga de si ye una diosa o una muyer.

Circe Invidiosa muestra la esperimentación de Waterhouse col arquetipu de muyer fatal, que trescalaba una inmensa cantidá d'arte de finales del sieglu xix. Sicasí, Chris Woods argumenta que les representaciones de Circe de Waterhouse nun son del tou malvaes, destructives o monstruoses, como podría vese nes pintures de Gustave Moreau o otros simbolistes europeos. Nesta pintura, Circe conviértesa nuna figura tráxica: "nun puede evitar lo que anda faciendo, y más bien llaméntalo".

Referencies

↑ Miguel Calvo Santos. Historia-arte (ed.): «Circe Invidiosa». Consultáu'l 20 d'ochobre de 2019.
↑ Hobson, Anthony. 1989. J. W. Waterhouse. Oxford: Phaidon Christie's. pages 48-49, 52. ISBN 0-7148-8066-3

Enllaces esternos

[1] Miguel Calvo Santos. Historia-arte (ed.): «Circe Invidiosa». Consultáu'l 20 d'ochobre de 2019.

[Hobson-2] Hobson, Anthony. 1989. J. W. Waterhouse. Oxford: Phaidon Christie's. pages 48-49, 52. ISBN 0-7148-8066-3

[1]

[2]